ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងអបអរសាទរខួបលើក៣៧ នៃថ្ងៃជ័យជម្នះ ៧ មករា ១៩៧៩-៧មករា ២០១៦ ។ សម្តេចតេជោបានលើកឡើងក្នុងហ្វេសប៊ុករបស់សម្តេចថា៖
«អបអរសាទរខួបលើកទី ៣៧ នៃថ្ងៃជ័យជម្នះ ៧ មករា ១៩៧៩-៧មករា ២០១៦!
យើងទាំងអស់គ្នាចងចាំជានិច្ចនូវថ្ងៃប្រវត្តិសាស្ត្រ ៧មករា ដែលបាននាំមកវិញនូវសិទ្ឋិសេរីភាពជាមូលដ្ឋាន សន្តិភាព ការបង្រួបបង្រួមជាតិ និងអ្វីៗគ្រប់យ៉ាងដល់កម្ពុជា ។ ៧ មករា បានធ្វើអោយកម្ពុជារស់ឡើងវិញ ជាមួយនឹងការអភិវឌ្ឍគ្រប់វិស័យ ដែលនាំមកនូវសុខដុមនីយកម្មដល់ប្រទេសជាតិទាំងមូល។
ខ្ញុំ និង ភរិយា សូមជូនពរបងប្អូនជនរួមជាតិទូទាំងប្រទេស សូមប្រកបតែសេចក្តីសុខ និងជួបតែសំណាងល្អ ព្រមទាំងជោគជ័យថ្មីៗជាច្រើនថែមទៀតនៅក្នុងឆ្នាំថ្មីនេះ» ៕
