រដ្ឋមន្ត្រីក្រសួងព័ត៌មានលើកទឹកចិត្តសមាគម នារីឱ្យរិះរកប្រធានបទថ្មីៗសម្រាប់រៀនសូត្របង្កើនចំណេះដឹង

ចែករំលែក៖

ភ្នំពេញ៖ លោក ខៀវ កាញារីទ្ធ រដ្ឋមន្ត្រីក្រសួង​ព័​ត៌​មា​នបានលើកទឹកចិត្តដល់សមាគមនារីកម្ពុជាដើម្បីសន្តិភាពនិងអភិវឌ្ឍន៍ឱ្យរិះរកប្រធាន​បទថ្មី​ៗ​ស​ម្រាប់រៀនសូត្រយកជាចំណេះដឹងសម្រាប់ការរស់នៅប្រចាំថ្ងៃដែលមាន​សារៈប្រ​យោ​ជ​ន៍​ដ​ល់​​ខ្លួនឯង ក្រុមគ្រួសារ និងសង្គមជាតិ។
ថ្លែងក្នុង​កម្មវិធីបិទវគ្គបណ្តុះបណ្តាលផ្សព្វផ្សាយពីសុខភាពស្ត្រី និងការទុកដាក់ថ្នាំឱ្យមា​ន​​គុ​ណភា​ព​នៅថ្ងៃសុក្រ១៤កើតខែមាឃឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី​៧ខែ​កុម្ភៈ​ឆ្នាំ​២​០២​០​នេះ​ ឯកឧត្តម ខៀវ កាញារីទ្ធ បាន​សរសើរនារី​ៗដែលបានបែកគំនិតគិត​រក​ចំណេះ​ដឹ​ង​ប្លែ​កៗ​ស​ម្រា​​​​ប់បណ្តុះបណ្តាលដល់សមាជិកជាបន្តបន្ទាប់។
លោក រដ្ឋមន្ត្រី បានលើកទឹកចិត្តបន្ថែមថាខ្ញុំសង្ឃឹមថា សមាគមនារីរបស់​យើ​ងនឹង​ខិ​ត​ខំ​រ​ក​មូល​ប​ទ​ផ្សេងទៀតទាក់ទិននឹង ចំណេះ ដឹងទូទៅ ទាក់ទិនការងារផ្សេងៗ.រៀន​អ្វីដែ​ល​​ជាប្រ​យោ​​ជ​ន៍សម្រាប់គ្រួសារយើង​ ខ្លួនយើង និងសង្គមរបស់យើង។»
ពាក់ព័ន្ធនឹងវគ្គបណ្តុះបណ្តាលផ្សព្វផ្សាយពីសុខភាពស្ត្រី និងការទុកដាក់ថ្នាំឱ្យ​មាន​គុ​ណ​​​ភា​​ពវិញ លោក រដ្ឋមន្ត្រី បានមាន ប្រសាសន៍ថា វគ្គបណ្តុះបណ្តាលនេះមានប្រយោជ​ន៍​ណា​​​ស់​ស​ម្រា​ប់​ជី​វិ​ត​រ​ស់​នៅ​ប្រ​ចាំ​ថ្ងៃ។ លោក រដ្ឋមន្ត្រី បានលើកឡើងថា​យើងទិ​ញ​ថ្នាំ​ម​ក​ហើ​​​យបើយើងមិនចេះ​ទុ​ក ​ចេះ​ដា​ក់ទេ​ វានឹ​ងខូចបាត់បង់លុយកាក់យើង​ វា​ជា​កា​រ​ងា​រ​មួ​យ​ដែ​ល​យើ​ងត្រូវយល់ពីបញ្ហានេះ ​ជា​ពិ​​សេ​ស​​បំ​ផុតយើងជានារីហ្នឹងត្រូវចេះទុកដាក់ថ្នាំ ព្រោះ​យើ​ង​ជា​នា​រីគឺមានភារៈមើលខ្លួនយើងផង កូ​​ន​ផ​ង​ និងប្តីផង ដូច្នេះការទុកដាក់ថ្នាំនេះចាត់ទុកថា​ជា​កា​រ​មា​​​នសា​រៈសំ​ខា​ន់​មួ​យ​ក្នុ​ង​ក្រុ​ម​គ្រួ​សា​​រ។
ជាមួយគ្នានេះ លោក រដ្ឋមន្ត្រីក៏បានសរសើរដល់លោកគ្រូដែលបាន​​ចំ​ណា​យ​ពេ​ល​វេ​លា​ធ្វើបទប​ង្ហាញពី​ការ​ទុ​ក​ដា​ក់​ថ្នាំឱ្យបានត្រឹមត្រូវនិងមា​នគុ​ណ​ភា​ព​ដ​ល់​សិ​ក្ខា​កា​មមកពីស​មា​គ​ម​​​នា​រី​ក​ម្ពុ​ជា​ដើ​ម្បី​ស​ន្តិភាពនិងអភិវឌ្ឍន៍ប្រកបដោយក្តីសោមនស្សរីករាយផងដែរ៕.

ដោយ៖ សំរិត

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print