ខេត្ដពោធិ៍សាត់៖ គ្រោះថ្នាក់ចរា ចរណ៍ដ៏រន្ធត់មួយបានកើតឡើងបង្កដោយ អ្នកបើកបររថយន្ដដឹកប្រេងរបស់ក្រុមហ៊ុនBVMភេត្រូលៀមទៅបុករថយន្ដ ទួរីសបណ្ដាលឱ្យមនុស្ស៥នាក់ស្លាប់និង៩នាក់ទៀតរងរបួសធ្ងន់ ។ ករណីគ្រោះ ថ្នាក់ចរាចរណ៍នេះបានកើតឡើងកាលពីវេលាម៉ោង៥និង០២នាទីព្រឹកថ្ងៃទី៨ ខែ មករា ឆ្នាំ២០១៦ នៅលើផ្លូវជាតិលេខ៥ ចន្លោះគីឡូម៉ែត្រ១៣៥-១៣៦ ស្ថិតក្នុង ភូមិក្បាលដំរី ឃុំអន្សាចំបក់ ស្រុកក្រគរ ខេត្ដពោធិ៍សាត់ ។
នគរបាលស្រុកក្រគរបានឱ្យដឹងថា រថយន្ដបង្កម៉ាកហ៊ីយ៉ាន់ដាយ ពណ៌ស លាយខៀវ ពាក់ស្លាកលេខភ្នំពេញ 4A- 0502 បើកពីលិចទៅកើត បានទៅបុក រថយន្ដសាំយ៉ុង ពណ៌បៃតងលាយសំបក ឪឡឹក ពាក់ស្លាកលេខកណ្ដាល2A-1891 ក្នុងទិសដៅបញ្ច្រាសគ្នាបណ្ដាលឱ្យអ្នក ជិះក្នុងរថយន្ដសា*ំយ៉ុង៥នាក់ស្លាប់នៅនឹង កន្លែងនិង៩នាក់ទៀតរងរបួសធ្ងន់ ។
ប្រភពពីមន្ដ្រីដដែលបានបន្ដថា ជន រងគ្រោះដែលស្លាប់៥នាក់នៅនឹងកន្លែង នោះមានស្ដ្រីម្នាក់ រីឯអ្នករងរបួសធ្ងន់ ៩នាក់នោះមានស្រី៥នាក់ ។ ក្រោយ កើតហេតុ អ្នករងរបួសត្រូវបានបញ្ជូន ទៅសង្គ្រោះនៅមន្ទីរពេទ្យខណៈដែលអ្នកបើកបររថយន្ដបង្កបានរត់គេចខ្លួនបាត់។
នគរបាលស្រុកក្រគរមិនបានបង្ហាញអត្ដសញ្ញាណជនរងគ្រោះដែលស្លាប់និង អ្នករងរបួសឱ្យដឹងនោះទេ ខណៈជាប់ មមាញឹកដឹកបញ្ជូនជនរងគ្រោះទៅ សង្គ្រោះ ហើយអ្នកស្លាប់ត្រូវបានសាច់ ញាតិបញ្ជូនទៅលំនៅឋាន តែបានប្រាប់ ឱ្យដឹងថា ជនរងគ្រោះទាំងអស់ខាងលើ នេះរស់នៅក្នុងស្រុកកំពង់ត្រឡាច ខេត្ដ កំពង់ឆ្នាំង ។
បើតាមនគរបាលស្រុកកំពង់ត្រឡាច ខេត្ដកំពង់ឆ្នាំង បានឱ្យដឹងថា ជនរងគ្រោះ ខាងលើនេះភាគច្រើនជាជនជាតិខ្មែរ- អ៊ិងស្លាម ហើយនៅមុនកើតហេតុពួកគាត់ បានធ្វើដំណើរតាមរថយន្ដទួរីសរួមគ្នា ដើម្បីទៅកម្សាន្ដនៅទីក្រុងទេសចរណ៍ ខេត្ដសៀមរាប ។
ប្រភពពីមន្ដ្រីដដែលបានឱ្យដឹងទៀត ថា សាកសពជនរងគ្រោះ៤នាក់ត្រូវបាន បញ្ជូនមកដល់លំនៅឋានហើយដែលមាន ឈ្មោះ ម៉ាត់ នី ភេទប្រុស រស់នៅភូមិ ខ្នាយកកោះ ឃុំសែប ស្រុកកំពង់ត្រឡាច ខេត្ដកំពង់ឆ្នាំង(អ្នកបើកបររថយន្ដទួរីស), ឈ្មោះ ស៊ិន ម៉ាលី ភេទប្រុស អាយុ៤០ ឆ្នាំ , ឈ្មោះ ឯល រុស្ម៉ី ភេទស្រី និងឈ្មោះ ស៊ីន រ៉ាហ្វាត ភេទប្រុស ជនរងគ្រោះទាំង ៣នាក់ជាឪពុកកូន រស់នៅភូមិស្រះថ្មី ឃុំឈូកស ស្រុកកំពង់ត្រឡាច ខេត្ដកំពង់ ឆ្នាំង និងម្នាក់ទៀតមិនទាន់ត្រូវបាន ស្គាល់អត្ដសញ្ញាណនៅឡើយទេ ។
ជុំវិញករណីគ្រោះថ្នាក់ចរាចរណ៍ខាង លើនេះ តាមសាក្សីនៅកន្លែងកើតហេតុ បាននិយាយថា មុនពេលកើតហេតុគេ ឃើញរថយន្ដបង្កបានបើករេពេញផ្លូវក្នុង ល្បឿនលឿន ខណៈមានភ្លៀងធ្លាក់និង មេឃងងឹតក៏រេចង្កូតចូលទៅចំណែក ផ្លូវរថយន្ដទួរីសរួចហើយបុកពេញទំហឹងបណ្ដាលឱ្យធ្លាក់ក្រឡាប់ចូលស្រែតែម្ដង។
សាក្សីដដែលបានបន្ដថា អ្នកបើករ ថយន្ដទួរីសនិងអ្នកអង្គុយខាងមុខ ព្រម ទាំងក្មេងៗមួយចំនួនទៀតបានស្លាប់នៅនឹងកន្លែងហើយអ្នកនៅលើរថយន្ដមួយ ចំនួនទៀតកៀបជាប់នៅក្នុងរថយន្ដរង របួសធ្ងន់ ។
នៅក្នុងករណីគ្រោះថ្នាក់ចរាចរណ៍នេះ ដែរក៏មានការរិះគន់ពីប្រជាពលរដ្ឋ ចំពោះសមត្ថកិច្ចនិងអាជ្ញាធរមូលដ្ឋាន មានការយឺតយ៉ាវក្នុងការទៅជួយដល់ជន រងគ្រោះដឹកបញ្ជូនទៅមន្ទីរពេទ្យ។ អ្វី ដែលពលរដ្ឋរិះគន់នោះព្រោះគ្រោះថ្នាក់ ចារចរណ៍ខាងលើនេះបានកើតឡើងតាំងពីម៉ោង៥ភ្លឺរហូតដល់ម៉ោង៦-៧ព្រឹក ទើបឃើញវត្ដមានសមត្ថកិច្ចមកដល់ ។
បច្ចុប្បន្នរថយន្ដទាំង២គ្រឿងត្រូវបាន សមត្ថកិច្ចយកទៅរក្សាទុកនៅការិយា ល័យនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្ដពោធិ៍សាត់ ៕
https://www.facebook.com/srorsc/videos/945520068869454/
ដោយ៖ ប៉ឹម ពិន
