ខេត្តសៀមរាប៖ លោកឧត្តមសេនីយ៍ត្រីមេបញ្ជាការកងរាជអាវុធហត្ថខេត្តសៀមរាបបានបញ្ជាក់អោយដឹងថាៈ កំលាំងសមត្ថកិច្ចក្រោមឱវាទរបស់លោកបានចុះប្រតិបត្តិការបង្ក្រាបករណីគ្រឿងញៀនដោយមានការសហការជាមួយកងរាជអាវុធហត្ថក្រុងសៀមរាបធ្វើការ ឃាត់ខ្លួនជនសង្ស័យបាន ចំនួន៥នាក់ ក្នុងនោះមានស្រី១នាក់ ព្រមទាំងចាប់យកបានថ្នាំញៀន ចំនួន១កញ្ចប់ ទម្ងន់១,០៥ ក្រាម ទូរស័ព្ទដៃ៥គ្រឿង ឧបករណ៍សេពថ្នាំញៀនមួយចំនួនទៀត ។
ប្រតិបត្តិការនេះបានធ្វើឡើងកាលពីវេលាម៉ោង១១និង០០នាទី ថ្ងៃទី០៧ ខែមករា ឆ្នាំ២០១៦ ត្រង់ចំណុច ស្ថិតនៅភូមិសាលាកន្សែង សង្កាត់ស្វាយដង្គំ ក្រុង ខេត្តសៀមរាប។
ក្រោយពីធ្វើការសាកសួរតាមនិតិវិធី កម្លាំងជំនាញក៏បានកសាងសំណុំរឿងបញ្ជូនទៅសាលាដំបូងខេត្តដើម្បីចាត់វិធានការតាមច្បាប់។ជនសង្ស័យដែលត្រូវបានចាប់ខ្លួននោះមាន ១-ឈ្មោះ លឹបម៉ូហាមាប់ភេទប្រុស អាយុ២៣ឆ្នាំ នៅភូមិវិហាចិន សង្កាត់ស្វាយដង្គំ ក្រុង ខេត្តសៀមរាប២-ឈ្មោះ ញ៉ែបសំអុនភេទប្រុស អាយុ២៥ឆ្នាំ នៅភូមិមមៀច ឃុំរលួស ស្រុកបា្រសាទបាគង ខេត្តសៀមរាប ៣-ឈ្មោះ ម៉ម ចរិយាភេទស្រី អាយុ២៧ឆ្នាំ នៅភូមិបឹងដូនប៉ា សង្កាត់ស្លក្រាមក្រុង ខេត្តសៀមរាប៤-ឈ្មោះ ពិនម៉ារាសិដ្ឋភេទប្រុស អាយុ២៦ឆ្នាំ នៅភូមិបឹងដូនប៉ា សង្កាត់ស្លក្រាមក្រុង ខេត្តសៀមរាប៥-ឈ្មោះ មឿសាម៉ាចភេទប្រុស អាយុ២១ឆ្នាំ នៅភូមិតាភុល សង្កាត់ស្វាយដង្គំក្រុងខេត្តសៀមរាប។
លោកវរសេនីយ៍ទោ ថា ដាលុច ប្រធានមន្ទីរយុត្តិធម៍បានបញ្ជាក់ថាៈលោកនិងបន្តធ្វើការដឹកនាំបង្ក្រាបករណីគ្រឿងញៀនអោយដូចភ្លៀងរលឹមអោយអស់ដើម្បីការពារ សេចក្ដីសុខរបស់ប្រជាពលរដ្ននិងមានសុវត្ថិភាពអនុវត្តតាមគោលនយោបាយរបស់រាជរដ្ឋាភិបាលភូមិ-ឃុំមានសុវត្ថិភាពទាំង៩ចំនុច៕ប៊ុនរិទ្ធី
