ភ្នំពេញ៖ បុរសជាងដែកម្នាក់ត្រូវខ្សែរភ្លើងឆក់ស្លាប់ក្រោយពីបញ្ជូនទៅសង្គ្រោះនៅមន្ទីរពេទ្យព្រះកុសុមះខណៈដែលចុះពីប្រកដំបូលផ្ទះ ។

ហេតុការណ៍នេះកើតឡើងកាលពីម៉ោង១៤ និង៣០នាទីរសៀលថ្ងៃទី១១ ខែមករា ឆ្នាំ២០១៦នៅក្នុងផ្ទះវិឡាមួយកន្លែងផ្លូវ២០០៤ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

សពត្រូវបានគេស្គាល់ឈ្មោះ ជា សារ៉ន អាយុ២៨ឆ្នាំមុខរបរជាងដែកស្នាក់នៅផ្ទះជួលភូមិព្រៃទា សង្កាត់ចោមចៅ ខណ្ឌពោធិ៍សែនជ័យនិងមានស្រុកកំណើតភូមិស្វាយឃុំបាស្រែ ស្រុកអង្គរបូរី ខេត្តតាកែវ ។

តាមការអោយដឹងពីបុរសម្នាក់ដែលធ្វើការជាមួយឈ្មោះ សឿង សុខ អាយុ៣៧មុខរបរជាងដែកបានប្រាប់ថា នៅមុនកើតហេតុរូបគេទាំង២នាក់បានឡើងប្រកដំបូលវេរ៉ង់ដា(សំយាប)នៅចំណុចខាងលើទាំង២នាក់ដោយឡើងតាមទ្វាររបងមុខផ្ទះពេលប្រកហើយជនរងគ្រោះបានចុះមកដីមុនស្រាប់តែមិនដឹងថាប៉ះខ្សែរភ្លើងនៅចំណុចណាទេគឺឆក់ជាប់នៅលើទ្វាររបងផ្ទះតែម្តង ហើយត្រូវបានក្មួយប្រុសទៅជួយហើយបានដឹកតាមម៉ូតូយកមកសង្គ្រោះនៅមន្ទីពេទ្យព្រះកុសុមះតែជាអកុសល់ពេលមកដល់ពេទ្យត្រូវបានគ្រូពេទ្យប្រាប់ថាបុរសខាងលើបានស្លាប់បាត់ហើយ ។

ក្រោយកើតហេតុសពត្រូវសមត្ថកិច្ចប្រគល់អោយទៅក្រុមគ្រួសារយកទៅធ្វើបុណ្យនៅស្រុកកំណើតតាមប្រពៃណី ៕

ដោយ៖ តុង សីហា