ខេត្តកំពង់ធំ៖ បុរសម្នាក់ឈ្មោះ ហឿង ពុត អាយុ២៣ឆ្នាំ រស់នៅក្នុងភូមិ សងឃ្លាំង ឃុំតាំងក្រសាំង ស្រុកសន្ទុក ខេត្តកំពង់ធំ មានមុខរបរជា ជាងផ្សារដែក បានទៅធ្វើអត្តឃាតចង.កនឹងធ្នឹមរោងជាង នៅក្រោយ ផ្ទះឈ្មោះ សំឡូត ភេទប្រុស អាយុ ២៦ឆ្នាំ រស់នៅក្នុងភូមិឃុំជាមួយគ្នា កាលពីវេលាម៉ោង៦ និង២៨នាទីព្រឹកថ្ងៃទី១២ ខែមករា ឆ្នាំ២០១៦។
បើតាមប្រភពព័ត៌មានពីប្រជាពលរដ្ឋបានប្រាប់ថា ជនរងគ្រោះចង.ក ដោយសារខ្លួនអន់ចិត្តនឹងស្រីដែលខ្លួនស្រឡាញ់យកប្ដីចោល មុនថ្ងៃកើតហេតុជនរងគ្រោះបានផឹកស្រាជាមួយមិត្តភក្តិកាលពីល្ងាចថ្ងៃទី១១ ខែមករា ឆ្នាំ២០១៦លុះព្រឹកឡើង ស្រាប់តែប្រទះឃើញចងកសម្លាប់ខ្លួន នឹងធ្នឹមរោងជាងដែលគេជួលអោយមកធ្វើ។
លោក ជាតិ គឹម ឆុង អធិការរងស្រុកសន្ទុក ទទួលបន្ទុកផ្នែក ព្រហ្មទានបានអោយដឹងថា ក្រោយពីធ្វើកុសលវិច្ច័យ រួចបានសន្និដ្ឋានថាបុរសនេះស្លាប់ដោយសារធ្វើអត្តឃាតចង់.កខ្លួនឯងពិតប្រាកដមែន ដោយពុំមានស្លាកស្នាមអ្វីផ្សេងនោះទេ បន្ទាប់មកបានប្រគល់សាកសព ជូនសាច់ញាតិក្រុមគ្រួសារចាត់ចែងធ្វើបុណ្យតាមប្រពៃណី ៕
ដោយ៖ ប៊ុន រិទ្ធី
