ភ្នំពេញ៖ ជនសង្ស័យ០២នាក់ក្នុងចំណោមបក្ខពួក៣នាក់ត្រូវកម្លាំងនគរបាលព្រហ្មទណ្ឌខណ្ឌសហការជាមួយនគរបាលប៉ុស្តិ៍ទឹកល្អក់ទី៣ ឃាត់ខ្លួន ខណៈដែលពួកគេធ្វើសកម្មភាពឆក់កាបូប ជនរងគ្រោះបានសម្រេច ព្យាយាមជិះ ម៉ូតូគេចខ្លួន ពេលនោះជនរងគ្រោះបានជិះម៉ូតូ ដេញតាមពីក្រោយព្រមទាំងស្រែកចោរៗ ស្របពេលកម្លាំងល្បាតរបស់នគរបាលប៉ុស្តិ៍ទឹកល្អក់ទី៣ ដែលកំពុងល្បាតការពារសុវត្ថិភាពក្នុងមូលដ្ឋាន បានស្ទាក់ខ្លួនបានជនសង្ស័យ០២នាក់ និងម៉ូតូ ០២គ្រឿង រួមទាំងវត្ថុតាងកាបូបរបស់ជនរងគ្រោះ ចំណែកជនសង្ស័យ០១នាក់រត់គេចខ្លួនបាត់ ។
ករណីខាងលើនេះ បានកើតឡើងកាលពីវេលាម៉ោង៧និង៣០នាទីយប់ ថ្ងៃទី១៣ ខែមករា ឆ្នាំ២០១៦ នៅចំណុចផ្លូវលេខ១៨២ កែងផ្លូវលេខ២៤៧ ក្រុមទី៩ សង្កាត់ ទឹកល្អក់ទី៣ ខណ្ឌទួលគោក រាជធានីភ្នំពេញ ។
ជនសង្ស័យទាំង២នាក់នេះទី១- ខន រចនា ហៅ ភេវ ភេទប្រុស អាយុ ២០ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះ លេខ៨៦អា ផ្លូវលេខ២៦៥ ភូមិ១៣ សង្កាត់ទឹក ល្អក់ទី៣ ខណ្ឌទួលគោក (ជាអ្នកបើកម៉ូតូ ) ។
ទី២-សោម វ៉ាលីហ្សា ហៅ ហ្សា ភេទប្រុស អាយុ ១៨ ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះ លេខ១៣អឺ០ ផ្លូវលេខ២៧១ សង្កាត់បឹងសាឡាង ខណ្ឌទួលគោក រាជធានីភ្នំពេញ (ជាអ្នកបើកម៉ូតូ)។ ចំណែកឯជនរងគ្រោះឈ្មោះ ចិន ម៉ុនថា ហៅ អ៊ាក ភេទស្រី អាយុ ២៩ឆ្នាំ ជនជាតិខ្មែរ មុខរបរ លក់ខោអាវនៅ ផ្សារអ៉ីអន ស្នាក់នៅផ្ទះជួល ផ្លូវលំ ភូមិប៉ប្រ៉កខាង ជើង សង្កាត់កាកាប ខណ្ឌពោធិ៍សែនជ័យ ។
វត្ថុតាងចាប់យក ៖ ម៉ូតូពីរគ្រឿងម៉ាក Honda C125 ពណ៌ខ្មៅ ស៊េរី 2008 ពាក់ស្លាកលេខ សៀមរាប 1E-4257 មាន លេខតួ និងលេខម៉ាស៊ីន 9475974 និងម៉ាក Honda C110 ពណ៌ខ្មៅ ពាក់ស្លាកលេខ ភ្នំពេញ 1B-6959 មានលេខតួ និងលេខម៉ាស៊ីន 80081 75 ( ជាម៉ូតូដែលជនសង្ស័យជិះធ្វើសកម្មភាព )។ កាបូបស្ពាយពណ៌ខ្មៅ ចំនួន០១ (ជាកាបូបរបស់ ជនរងគ្រោះ ) ។
សម្ភារបាត់បង់៖ លុយចំនួន៥០០០០៛ និងទូរស័ព្ទមួយគ្រឿងម៉ាក ណូគា ពណ៌ស មានស៊ីមលេខ 016 242 467 ។
តាមប្រភពព័ត៍មានពីមន្ត្រីនគរបាលប៉ុស្តិ៍ទឹកល្អក់ទី៣ បានឲ្យដឹងថា នៅមុនពេលកើតហេតុ ជនរង គ្រោះបានជិះម៉ូតូម៉ាកគុបជ្រុង សេ៥០ ពណ៌បៃតង ចាស់ ពាក់ស្លាកលេខភ្នំពេញ 1BH-0633 ធ្វើ ដំណើរតាមបណ្តោយផ្លូវលេខ១៨២ ពីលិចមកកើត មកដល់ចំណុចកើតហេតុ ស្រាប់តែជន សង្ស័យ០៣នាក់ជិះម៉ូតូ០២គ្រឿងតាមមកពី ក្រោយ ទន្ទឹមអែបខាងឆ្វេងបានធ្វើសកម្មភាពឆក់ កាបូបពីដែលជនរងគ្រោះបានសម្រេចព្យាយាមជិះ ម៉ូតូគេចខ្លួន ពេលនោះជនរងគ្រោះបានជិះម៉ូតូ ដេញតាមពីក្រោយព្រមទាំងស្រែកចោរៗ ភ្លាមនោះ កំលាំងល្បាតរបស់នគរបាលប៉ុស្តិ៍ទឹកល្អក់ទី៣ ដែលកំពុងល្បាតការពារសុវត្ថិភាពក្នុងមូលដ្ឋាន បានស្ទាក់ខ្លួនបានជនសង្ស័យ០២នាក់ និងម៉ូតូ ០២គ្រឿង រួមទាំងវត្ថុតាងកាបូបរបស់ជនរងគ្រោះ ចំណែកជនសង្ស័យ០១នាក់រត់គេចខ្លួនបាត់ ។
បច្ចុប្បន្នជនសង្ស័យទាំង០២នាក់ កំពុងឃាត់ ខ្លួនជាបណ្តោះអាសន្ននៅអធិការដ្ឋាននគរបាល ខណ្ឌទួលគោក ដើម្បីកសាងសំណុំរឿងបញ្ជូនទៅ តុលាការចាត់ការតាមផ្លូវច្បាប់ ៕
ដោយ៖ ស ដារ៉ា
