រថយន្ដថៃដឹកដំឡូងបុកជាមួយរថយន្ដច្នៃរបួសធ្ងន់ស្រាល៣នាក់

ចែករំលែក៖

ខេត្ដប៉ៃលិន៖ មនុស្ស៣នាក់បានរង របួសធ្ងន់និងស្រាលក្នុងករណីគ្រោះថ្នាក់ បង្កឡើងរវាងរថយន្ដ(ថៃ)ដឹកដំឡូងនិង ពោតបុកជាមួយរថយន្ដច្នៃ កាលពីវេលា ម៉ោងប្រមាណ៩ព្រឹក ថ្ងៃទី១៣ ខែមករា ឆ្នាំ២០១៦ នៅលើកំណាត់ផ្លូវជាតិលេខ ៥៦ ស្ថិតក្នុងភូមិប៉ាងរលឹម សង្កាត់ អូរតាវ៉ៅ ក្រុងប៉ៃលិន ។

ជនរងគ្រោះទាំង៣នាក់មានទី១-ឈ្មោះ សេង ពេជគីរី របួសបាក់ភ្លៅ ភេទប្រុស អាយុ២៥ឆ្នាំ ទីលំនៅភូមិអូរទន្ទឹម ស្រុក សំឡូត ខេត្ដបាត់ដំបង, ទី២-ឈ្មោះ សេង ពេញវង្ស របួសស្រាល ភេទប្រុស អាយុ ២៣ឆ្នាំ នៅភូមិ-ឃុំជាមួយគ្នា និងទី៣- ឈ្មោះ បុន សុង ជនជាតិថៃ អាយុ៤០ឆ្នាំ របួសស្រាល ។

តាមប្រភពព័ត៌មានពីកន្លែងកើត ហេតុបានឱ្យដឹងថា មុនពេលកើតហេតុ គេឃើញរថយន្ដកុងតឺន័រដឹកពោត១គ្រឿង ពណ៌ខៀវ ពាក់ស្លាកលេខ៨០៩០២៤ បើក បរតាមផ្លូវជាតិលេខ៥៧ ក្នុងទិសដៅពី លិចទៅកើតដោយល្បឿលឿន។ លុះមក ដល់ចំណុចកើតហេតុរថយន្ដខាងលើក៏ បានជ្រុលទៅបុករថយន្ដកែច្នៃមួយគ្រឿង បណ្ដាលឱ្យមនុស្ស៣នាក់របួសធ្ងន់ស្រាល និងចាក់ពោតរាយប៉ាយពេញផ្លូវ ។

ក្រោយពីកើតហេតុអ្នករបួសត្រូវបាន បញ្ជូនទៅសង្គ្រោះនៅមន្ទីរពេទ្យ ។ ដោយ ឡែករថយន្ដទាំង២ ត្រូវបានសមត្ថកិច្ច ស្ទូចអូសមកស្នងការដ្ឋាននគរបាលខេត្ដ ប៉ៃលិនដើម្បីរង់ចាំដោះស្រាយ ៕ ស សារ៉េត

sew (1)