ភ្នំពេញ៖ នៅម៉ោង២និង៣០រសៀល ថ្ងៃទី២២ខែមេសា ឆ្នាំ២០២០ ,កំលាំងជំនាញនៃអធិកាដ្ឋានករបាលខណ្ឌឬស្សីកែវបានសហការជាមួយ នឹងកម្លាំងនគរបាលប៉ុសិ៍្តស្វាយប៉ាក បានស្រាវជ្រាវបង្ក្រាប ជនសង្ស័យ៤នាក់ ជាក់ស្ដែងករណីជួញដូរក្រាមសថ្លាចំនួន ០២កញ្ចប់ធំល្មមដោយខុសច្បាប់នូវសារធាតុញៀនត្រង់ចំណុចក្រុម១០ ភូមិលូ សង្កាត់ស្វាយប៉ាក់ ខណ្ឌឫស្សីកែវ រាជធានីភ្នំពេញ។
លោកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា៖ ក្នុងប្រតិបត្តិការនោះសមត្ថកិច្ចយើងឃាត់ខ្លួនបាន ជនសង្ស័យចំនួន៤នាក់ រួមមាន៖
១-ឈ្មោះ ក្រូច សេម ភេទប្រុស អាយុ៣៣ឆ្នាំ ជនជាតិខ្មែរ មុខរបរកម្មករ មានទីលំនៅ ភូមិត្រយ៉ូង ឃុំត្រយ៉ូង ស្រុកតាំងគោក ខេត្តកំពង់ធំ។
២-ឈ្មោះ សាន សុខគា ភេទប្រុស អាយុ ២៤ឆ្នាំ ជនជាតិខ្មែរ មុខរបរកម្មករសំណង់ មានទីលំនៅ ភូមិចំបក់ភ្លោះ ឃុំភ្នំបាទ ស្រុកពញាឮ ខេត្តកណ្តាល។
៣-ឈ្មោះ យ៉ុង យ៉ាវ ភេទប្រុស អាយុ ២១ឆ្នាំ ជនជាតិខ្មែរ មុខរបរសិស្ស មានទីលំនៅ ភូមិព្រាល ឃុំថ្មពូន ស្រុកកញ្ជ្រៀច ខេត្តព្រៃវែង។
៤-ឈ្មោះ ស្រេង សុភ័ក្រ្ត ភេទប្រុស អាយុ៣០ឆ្នាំ ជនជាតិខ្មែរ មុខរបរជាងកាត់កញ្ចក់ មានទីលំនៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
លោកបន្តថា៖ វត្ថុតាងចាប់យករួមមាន៖
ក្រាមសថ្លាចំនួន ០២កញ្ចប់ធំល្មម ដកហូតពីឈ្មោះ ក្រូច សេម។
ក្រោយពីឃាត់ខ្លួនជនសង្ស័យទាំង៤នាក់រួមនិងវត្ថុតាងត្រូវបាន កម្លាំងជំនាញបានបញ្ជូនទៅកាន់អធិការដ្ឋាននគរបាលខណ្ឌឫស្សីកែវដើម្បីកសាងសំណុំរឿងតាមនិតិវិធីបញ្ជូនទៅតុលាការ៕

ដោយ៖ ស រស្មី