ភ្នំពេញ៖ តារាចម្រៀងរួមដំបួល លោក សយ​ រតនៈ និងកញ្ញា ប៉ាច គីមមួយ​បានក្លយជាគូស្នេហ៍ដ៏សាកសមមានការកោតសរសើរពីទស្សនិកជន និងក្រោយពីពួកគេបានបើកចំហរស្នេហ៍ជាសាធារណៈ។
ស្នេហារវាងតារាចម្រៀងស្រស់សោភា កញ្ញា ប៉ាច គីមមួយ និងប្រុសក្មេងសយ រតនៈ ត្រូវបានបើកចំហរ ហើយជាញឹកញាប់ពួកគេបង្ហាញឲ្យគេឃើញថា ស្នេហាតារា១គូនេះ ចិត្ត១ថ្លើម១ ព្រោះតែផ្អែមល្ហែមគ្នាខ្លាំងណាស់ មិនខុសពីប្ដីប្រពន្ធដែលទើបរៀបការហើយថ្មោងថ្មី ទេ។ ហាក់ទទួលស្គាល់ខ្លះ តារាចម្រៀង សយ រតនៈ ថាពួកគេមិនទាន់គិតដល់រឿងចូលរោងការនឡើយ ហើយថែមទាំងឆ្ងល់ទៀតថា មិនដឹងម៉េចបានជាគេចាប់អារម្មណ៍រឿងស្នេហាលោកជាមួយគីមមួយ ខ្លាំងម្ល៉េះ។ លោកថាទៅថ្ងៃក្រោយមិនទាន់អាចនិយាយថាយ៉ាងម៉េចបានទេ ព្រោះថានៅថ្ងៃខាងមុខ អត់ដឹងមានរឿងអីកើតឡើង។
តារាចម្រៀងស្រស់សោភា ប៉ាច គីមមួយវិញ ទើបធ្វើខួបគម្រប់អាយុ២៦ឆ្នាំ និងធ្លាប់ប្រេះឆាស្នេហ៍ជាមួយអតីតគូស្នេហ៍ដែលជាតារាចម្រៀងម្នាក់ ធ្វើ ប៉ុន្តែស្រីស្អាតរូបនេះត្រូវបានអ្នកសិល្បៈរួមអាជីពជាច្រើនដឹងថា នាងស្នេហាតែប្រុសក្មេងរូបសង្ហាទេ ។ ទោះជាយ៉ាងណាតារាស្រីរូបនេះធ្លាប់បដិសេធដំណឹងដែលគេថា នាងនិងប្រុសក្មេងបានរួមរស់ក្រោមដំបូលផ្ទះតែ១ជាមួយ៕

ដោយ៖ វឌ្ឍនា