តារាបាល់ទាត់ល្បីៗរបស់ក្រុមតោខៀវChelseaនិងកាំភ្លើងធំArsenalបានបង្ហាញខ្លួននៅក្នុងកម្មវិធីប្រកួតបាល់បោះប្រចាំឆ្នាំដែលជាការប្រកួតរវាងក្រុម Toronto Raptors និង ក្រុម Orlando Magic នៅក្នុងកីឡាដ្ឋាន O2 Arena ទីក្រុងឡុងប្រទេសអង់គ្លេស។
ក្រោយចប់ការប្រកួតក្រុម Toronto Raptorsបានយកឈ្នះលើក្រុម Orlando Magic ដោយលទ្ធផល ១០៦ទល់នឹង១០៣ តែអ្វីដែលគួរឲចាប់អារម្មណ៏នោះគឺ កីឡាករបាល់ទាត់លំដាប់កំពូលៗ របស់ក្រុមនៅក្របខណ្ឌអង់គ្លេស Premier Leagueបានចូលរួមទស្សនាជាច្រើន។
កីឡាកររបស់ក្រុមកាំភ្លើងធំមានដូចជា ខ្សែប្រយុទ្ធបារាំង Olivier Giroud, កីឡាករអង់គ្លេសAlex Oxlade-Chamberlainនិងកីឡាករ Calum Chambers។ អតីតខ្សែបំរើរបស់ក្រុមកាំភ្លើងធំ កីឡាករ Robert Pires ក៏បានមកចួលរួមទស្សនាជាមួយនឹងភរិយាផងដែរ។
ចំណែកកីឡាកររបស់ក្រុមតោខៀវវិញមានដូចជា Thibaut Courtois, Eden Hazard, Kurt Zouma, Asmir Begovic និងLoic Remyបានមកទស្សនាការប្រកួតដ៏ធំនេះ។ អតីតខ្សែប្រយុទ្ធរបស់តោខៀវ កីឡាករ Didier Drogbaមិនត្រឹមតែមកទស្សនានោះទេ ថែមទាំង ចូលទៅកាន់ទីលាន បោះបាល់លេងថែមទៀតផង។