ខេត្តកណ្តាល៖ មុននេះបន្តិច .! មានករណីអំពើឃាតកម្មមួយបានកើតឡើងនៅតាមផ្លូវជាតិលេខ២ សង្កាត់ចាក់អង្រែ ខណ្ឌមានជ័យ រាជធានីភ្នំពេញ កាលពីវេលាម៉ោង៣រសៀលថ្ងៃទី២៦ ខែមេសា ឆ្នាំ២០២០ គឺប្តីបានបាញ់សម្លាប់ប្រពន្ធក្នុងរថយន្តព្រូស បន្ទាប់ពីទាស់ពាក្យសំដីគ្នា ប្រកែកក្នុងឡាន។
សមត្ថកិច្ចបានអោយដឹងថា៖ ក្រោយពីបាញ់ហើយ ជនដៃដល់បានដឹកសពប្រពន្ធពីភ្នំពេញ មកកាន់ភូមិព្រែករុន ឃុំព្រែកគយ ស្រុកស្អាង ខេត្តកណ្តាល រួចហើយគាត់បានទូរស័ព្ទប្រាប់សមត្ថកិច្ច អោយមកឃាត់ខ្លួនគាត់ ដោយគាត់មានកំហុស សូមចូលខ្លួនសារភាពទោស មិនរត់ទៅណាទេ។
ជនសង្ស័យជាឃាតក បានសារភាពប្រាប់នគរបាលខេត្តកណ្តាលថា៖ មុនកើតហេតុគឺគាត់ មានការជជែកជាមួយភរិយា ក្នុងរឿងអន់ចិត្តប្រចណ្ឌ ហើយប្រពន្ធគាត់ក៏មកប្រតាយប្រតប់ ប៉ៈកាំភ្លើងដែលគាត់បញ្ចូលគ្រាប់រួច ក៏បណ្តាលអោយផ្ទុះត្រូវស្លាប់តែម្តង។
ជនសង្ស័យមានឈ្មោះ គឹម សារី អាយុ៥៨ឆ្នាំ ជាយោធា ជំនួយការលោក មុំ លីមឿន អគ្គលេខាធិការ ក្រសួងការពារជាតិ រស់នៅខេត្តបាត់ដំងបង។ ត្រូវបានសមត្ថកិច្ចនាំខ្លួនមកស្នងការដ្ឋាននគរបាលខេត្តកណ្តាល។ រីឯជនរងគ្រោះជាប្រពន្ធដែលស្លាប់នោះ មាន ឈ្មោះ សោម សារៀប អាយុ៥០ឆ្នាំ មានស្រុកកំណើតខេត្តបន្ទាយមានជ័យ៕

ដោយ៖ ស្អាងជ័យ