ភ្នំពេញ៖ សមត្ថកិច្ចនគរបាលប៉ុស្តិ៍រដ្ឋបាលឬស្សីកែវឃាត់ខ្លួនជនសង្ស័យ២នាក់ដែលពាក់ពន្ធ័ករណីវាយប្លន់យកម៉ូតូនៅតាមទីសាធារណៈកាលពីកន្លងមកនេះ។
ប្រតិបត្តិការណ៍នេះធ្វើឡើងកាលពីម៉ោងជាង៩យប់ថ្ងៃទី១៤ ខែមករា ឆ្នាំ២០១៦ នៅចំណុចសួនច្បារខាងមុខឃ្លាំងសាំងសូរគីមិុច ស្ថិតនៅក្នុងភូមិឃ្លាំងសាំង សង្កាត់-ខណ្ឌឬស្សីកែវ។
សមត្ថកិច្ចមូលដ្ឋានបានឲ្យដឹងថា ជនសង្ស័យទាំង២នាក់ដែលសមត្ថកិច្ចឃាត់ខ្លួនខាងលើមានឈ្មោះទី១ ភុក សុខលាង ភេទប្រុស អាយុ១៦ឆ្នាំ មុខរបរមិនពិតប្រាកដ និងស្នាក់នៅភូមិគ្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ និងទី២ ឈ្មោះ ឆន ដេវិត ភេទប្រុស អាយុ១៦ឆ្នាំ មុខរបរមិនពិតប្រាកដស្នាក់នៅភូមិខមួយ សង្កាត់ច្រាំងចំរេះទី១ ខណ្ឌឬស្សីកែវ។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅសង្កាត់ឬស្សីកែវ ដើម្បីធ្វើសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕
...
ដោយ៖ ជ្រោយពេជ្រ
