ភ្នំពេញ៖ រថយន្តជាច្រើនគ្រឿងចតលើ ផ្លូវភ្នំពេញ-ហាណូយ សមត្ថកិច្ចបានចាក់សោរថយន្តមួយចំនួន ដែលចតលើចិញ្ចើមផ្លូវគ្មានសណ្តាប់ធ្នាប់ បំពានលើការហាមឃាត់។
សូមបញ្ជាក់ថា៖ កម្លាំងអធិការដ្ឋាននគរបាលខណ្ឌសែនសុខ នៅព្រឹកថ្ងៃទី ២១ ខែឧសភា ឆ្នាំ២០២០ ដឹកនាំដោយលេាកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានចុះរៀបចំសណ្តាប់ធ្នាប់តាមបណ្តោយផ្លូវ ភ្នំពេញ-ហាណូយ ស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ និងបានចាក់សោរថយន្តមួយចំនួនដែលចតលើចិញ្ចើមផ្លូវ ដើម្បីយកទៅពិន័យ ធ្វើការអប់រំដល់ម្ចាស់។

សមត្ថកិច្ចឱ្យដឹងថា៖ ការឈប់ចតលើចិញ្ចើមផ្លូវបណ្តាលឱ្យបាត់បង់សណ្តាប់ធ្នាប់ និងបង្កការកកស្ទះចរាចរណ៍ ពិបាកក្នុងការធ្វើដំណើររបស់ប្រជាពលរដ្ឋ ងាយបង្កបញ្ហាគ្រោះថ្នាក់ចរាចរណ៍ និងធ្វើការផាកពិន័យតាមច្បាប់ ៕

ដោយ៖ សិលា