ខេត្តបន្ទាយមានជ័យ៖ បុរសម្នាក់កំពុងជិះម៉ូតូត្រូវរថយន្តសាំយ៉ុងបុកពីក្រោយ ហើយកិនពីលើ បណ្តាលឲ្យស្លាប់គួរឲ្យសង្វេក កាលពីវេលាម៉ោង៧ និង២៥នាទីយប់ថ្ងៃទី១៨ ខែមករា ឆ្នាំ២០១៦ តាមបណ្តោយផ្លូវជាតិលេខ៦ ឋិតក្នុងភូមិរហាល ឃុំរហាល ស្រុកព្រះនេត្រព្រះ ខេត្តបន្ទាយមានជ័យ ។
សមត្ថកិច្ចប្រាប់ថា ជនរងគ្រោះមិនត្រូវស្គាល់អត្តសញ្ញាណទេ ជិះម៉ូតូវ៉េវ ពាក់ស្លាក់លេខបន្ទាយមានជ័យ1D-3840 ក្នុងទិសដៅពីកើតមកលិច ហើយត្រូវរថយន្តម៉ាកសាំយ៉ុង ពាក់ស្លាកលេខភ្នំពេញ2AD-2464 បើកស្របទិសគ្នាក្នុងល្បឿនលឿន ក៏ជ្រុលទៅបុកអ្នកជិះម៉ូតូពីក្រោយពេញទំហឹង បណ្តាលស្លាប់ហើយកិនពីលើធ្លាយពោះវៀនចេញក្រៅ និងខ្ទេចសាច់ ។
ក្រោយពេលម្ចាស់រថយន្តបុកហើយ បានបើកទ្វារគេចខ្លួនបាត់ ហើយក៏មិនស្គាល់អត្តសញ្ញាណដែរ ។ ក្រោយពេលមន្ត្រីជំនាញចុះទៅពិនិត្យវាស់វែង ហើយ យកទាំងរថយន្តនិងម៉ូតូទុកមករក្សាទុកនៅអធិការនគរបាលស្រុកព្រះនេត្រព្រះ និងសពជនរងគ្រោះ ត្រូវបានតម្កល់ទុកនៅវត្តរហាល ដើម្បីរង់ចាំសាច់ញាតិមកទទួល ៕
ដោយ៖ វណ្ណា
