ថ្ងៃនេះប្រទេសថៃមានអ្នកឆ្លងជំងឺកូវីដ-១៩ចំនួន ២នាក់

ចែករំលែក៖

ភ្នំពេញ៖ បច្ចុប្បន្នភាពជំងឺកូវីដ១៩ក្នុងប្រទេសកម្ពុជានិងថៃ គិតត្រឹមថ្ងៃទី ២៥ ខែឧសភាឆ្នាំ២០២០ គឺថ្ងៃនេះប្រទេសថៃមានអ្នកឆ្លងជំងឺកូវីដ-១៩ចំនួន ២នាក់។ នេះបើតាមការបញ្ជាក់អោយដឹងពី ស្ថានទូតកម្ពុជា ប្រចាំប្រទេសថៃ នៅមុននេះបន្តិច។ ក្នុងនោះ មានឆ្លងសរុបចំនួន ៣០៤២នាក់, អ្នកជាសះស្បើយចំនួន ២៩២៨នាក់ , អ្នកកំពុងសម្រាកព្យាបាលនៅមន្ទីរពេទ្យចំនួន៥៧នាក់ ,អ្នកបាត់បង់ជីវិតចំនួន ៥៧នាក់។ ដោយឡែកនៅកម្ពុជា ថ្ងៃនេះពុំបានរកឃើញអ្នកឆ្លងជំងឺកូវីដ-១៩ថ្មីនោះឡើយ, អ្នកឆ្លងសរុបចំនួន ១២៤នាក់, អ្នកជាសះស្បើយមានចំនួន ១២២នាក់, អ្នកកំពុងសម្រាកព្យាបាលនៅមន្ទីរពេទ្យចំនួន២នាក់ មានស្រី១ ប្រុស១ ។