រដ្ឋមន្ដ្រីការបរទេសអាមេរិកកាលពីថ្ងៃទី១៧ ខែមករា ឆ្នាំ២០១៦ បានឱ្យដឹងថា អាមេរិកនឹងសង់បំណុលដល់អ៊ីរ៉ង់៤០០លានដុល្លារនិង ការប្រាក់កើនឡើងរហូតដល់ទៅ១.៣០០លានដុល្លារ។ ទាំងនោះជា សកម្មភាពវិជ្ជមានមួយរវាងអ៊ីរ៉ង់នឹងអាមេរិកក្រោយពេលក្រុមអង្កេត ការណ៍ថាមពលបរមាណូអន្ដរជាតិបញ្ជាក់ថា អ៊ីរ៉ង់ពិតជាបានគោរពកិច្ច ព្រមព្រៀងយ៉ាងខ្ជាប់ខ្ជួន។
សារព័ត៌មាន AFP បានដកស្រង់សម្ដីរដ្ឋមន្ដ្រីការបរទេសអាមេរិក បានបញ្ជាក់ថា បំណុល៤០០លានដុល្លារដែលអ៊ីរ៉ង់បានកក់អាមេរិក សម្រាប់ទិញអាវុធកាលពីមុនពេលអាមេរិកដាក់ទណ្ឌកម្មអ៊ីរ៉ង់ ហើយ តាំងពីពេលនោះមកការប្រាក់បានកើនឡើងរហូតដល់ទៅ១,៣ពាន់លាន ដុល្លារ ។
រដ្ឋាភិបាលទីក្រុងវ៉ាស៊ីនតោននិងអ៊ីរ៉ង់បានកាត់ផ្ដាច់ទំនាក់ទំនង ក្រោយធ្វើបដិវត្ដអិស្លាមអ៊ីរ៉ង់នៅឆ្នាំ១៩៧៩។ នៅឆ្នាំ ១៩៨១អ៊ីរ៉ង់បានដាក់លិខិតឡើងទៅកាន់តុលាការ ទីក្រុងឡាអេស្នើឱ្យអាមេរិកសងប្រាក់ទាំងនោះ មកវិញ។ ប្រធានាធិបតីអាមេរិកបានបញ្ជាក់ ថា ទឹកប្រាក់ទាំងនោះនៅទាបជាងការចង់បាន របស់អ៊ីរ៉ង់ ប៉ុន្ដែនេះជាការដោះស្រាយពឹង ផ្អែកទៅលើការយល់យោគគ្នាក្រោយកិច្ច ព្រមព្រៀង ។
ការសម្រេចសងបំណុលខាងលើរបស់ អាមេរិកទទួលការរិះគន់យ៉ាងខ្លាំងពីក្រុម ប្រឆាំងដោយចាត់ទុកថា គោលនយោ បាយរបស់អាមេរិកបានបន្ធូបន្ថយខ្លាំង ពេកដល់អ៊ីរ៉ង់។ លោក Reince Priebus ប្រធានគណៈកម្មាធិការសភាមកពីគណ បក្សសាធារណរដ្ឋបានបញ្ជាក់ថា ការដែលបន្ធូដៃឱ្យប្រទេសដែលគាំទ្រក្រុមភេរវ កម្មលំដាប់ពិភពលោកមិនមែនជាយុទ្ធសាស្ដ្រជួយឱ្យអាមេរិកមានសុវត្ថិភាពនោះ ឡើយគឺធ្វើឱ្យអាមេរិកកាន់តែជួបផលលំបាក។ លោកស្រីហ៊ីលឡារី គ្លីនតុន គួរតែ ថ្កោលទោសដល់សកម្ម ភាពខាងលើ ៕
ប្រែសម្រួល៖ ម៉ែវ សាធី
