ភ្នំពេញ៖ លោក ថោង ខុន រដ្ឋមន្ដ្រី ក្រសួងទេសចរណ៍និងជាប្រធានគណៈ កម្មាធិការជាតិអូឡាំពិកកម្ពុជាបានថ្លែងថា កម្ពុជានៅមានឱកាសដាក់សំណើ ជាថ្មីទៅអង្គការយូនីស្កូដើម្បីស្នើសុំដាក់ក្បាច់គុនល្បុក្កតោចូលក្នុងបញ្ជីបេតិក ភណ្ឌពិភពលោកដែលជាសម្បត្ដិអរូបី មនុស្សជាតិកាលពីព្រឹកថ្ងៃទី១៨ ខែមករា ឆ្នាំ២០១៦ក្នុងសិក្ខាសាលាស្ដីពី “គុណ តម្លៃនៃក្បាច់គុនល្បុក្កតោក្នុងសង្គម វប្បធម៌ជាតិខ្មែរ ”នៅទីស្នាក់ការ NOCC ដោយមានការអញ្ជើញចូលរួមពីសំណាក់ លោកឧត្ដមសេនីយឯក ហ៊ុន ម៉ាណែត នាយរងសេនាធិការចម្រុះនិងជាមេបញ្ជា ការរងកងទ័ពជើងគោករួមជាមួយមន្ដ្រីសំខាន់ៗមកពីក្រសួងស្ថាប័ននិងអង្គការពាក់ព័ន្ធលោកគ្រូអ្នកគ្រូជាង២០០នាក់។
លោក ថោង ខុន បានរំលឹកថា កាល ពីឆ្នាំ២០១២កន្លងទៅកម្ពុជាធ្លាប់បាន រៀបចំឯកសារស្នើសុំទៅអង្គការយូនីស្កូ ម្ដង ប៉ុន្ដែត្រូវបានអង្គការនេះបដិសេធ និងបញ្ជូនឯកសារត្រឡប់មកវិញដោយសំអាងថាសំណុំឯកសាររបស់កម្ពុជា មិនមានលក្ខណៈគ្រប់គ្រាន់សម្រាប់ការសុំចុះបញ្ជីក្បាច់គុនល្បុក្កតោរបស់ខ្លួន ឱ្យក្លាយទៅជាសម្បត្ដិបេតិកភណ្ឌពិភព លោកអរូបីនៃមនុស្សជាតិនោះទេ ដូច្នេះ កម្ពុជាត្រូវផលិតឯកសារឱ្យច្បាស់ជាងនេះបន្ថែមទៀត ។
លោករដ្ឋមន្ដ្រីបានបន្ដទៀតថា ការ បដិសេធពេលនោះយើងបានបំពេញ បែបបទដាក់ក្នុងទម្រង់សង្គ្រោះបន្ទាន់ Urgent Save to Guarding ដែលជា ទម្រង់ពិបាកតឹងតែងនិងពុំសូវសមស្រប នឹងសមាសភាពក្បាច់គុនល្បុកតោនា បច្ចុប្បន្ន។ប៉ុន្ដែឯកសារដែលកម្ពុជា ផលិតលើកទី២នេះគឺមានលក្ខណៈល្អ ប្រសើរច្បាស់លាស់ជាងមុនបន្ទាប់ពី បានមិត្ដកូរ៉េជំនាញខាងផ្នែកវប្បធម៌ អរូបីមួយក្រុមជួយជ្រើសរើសយកទម្រង់ Representative List-RL ជំនួសវិញ ដែលជាទម្រង់ក្បាច់គុនបុរាណប្រទេស កូរ៉េធ្លាប់ដាក់បញ្ចូលក្នុងបញ្ជីបេតិក ភណ្ឌពិភពលោកអរូបីបានដោយជោគ ជ័យហើយនោះ ។
លោករដ្ឋមន្ដ្រីបានបញ្ជាក់ថា កិច្ច ពិភាក្សាស្ដីពីគុណតម្លៃនៃក្បាច់គុនល្បុក្កតោក្នុងសង្គមវប្បធម៌ជាតិខ្មែរនាពេល នេះ គឺស្វែងរកការចុះបញ្ជីក្បាច់គុនល្បុក្ក តោក្នុងបញ្ជីសម្បត្ដិបេតិកភណ្ឌពិភព លោករបស់អង្គការ UNESCO ឈានទៅ ទទួលបានជោគជ័យ ។
ទន្ទឹមនឹងការលើកឡើងរបស់លោក ថោង ខុន រដ្ឋមន្ដ្រីក្រសួងទេសចរណ៍ខាង លើនេះដែរលោក ហ៊ុន ម៉ាណែត បាន មានប្រសាសន៍ថា ក្បាច់គុនបុរាណខ្មែរ ជាពិសេសក្បាច់គុនល្បុក្កតោជាអាវុធ ចម្បាំងដែលមានវត្ថុធាតុដើមក្នុងវប្ប ធម៌ខ្មែរយ៉ាងពិតប្រាកដឥតកាឡៃដែល កូនខ្មែរគ្រប់ជំនាន់ត្រូវមានឆន្ទៈការពារអភិរក្សនិងនាំគ្នាជីកកកាយរៀបចំចង ក្រងបំផុសផ្សព្វផ្សាយឱ្យលេចត្រដែតភ្លឺ ចែងចាំងឡើងវិញ ។
លោកបានបន្ដទៀតថា “ខ្ញុំសូមស្នើ ឱ្យក្បាច់គុនខ្មែរទាំងអស់ចូលរួមជាមួយក្បាច់គុនល្បុក្កតោដើម្បីអភិវឌ្ឍ ពីព្រោះ ក្បាច់គុនល្បុក្កតោស្ថិតក្នុងដួងព្រលឹង មេទ័ពខ្មែរតាំងពីសម័យមុនអង្គរមក ម្ល៉េះក្នុងនាមខ្ញុំជាយោធិនម្នាក់ និងជា ថ្នាក់ដឹកនាំកងយោធពលខេមរភូមិន្ទ ម្នាក់ខ្ញុំនឹងរៀបចំដាក់បញ្ចូលព្រលឹងជាតិខ្មែរក្នុងកម្មវិធីការងារហាត់ហ្វឹកហ្វឺនកងទ័ពយើងនាបច្ចុប្បន្នឱ្យចេះទាំងបច្ចេក ទេសវិន័យជា ពិសេសនាំឱ្យកាយសម្ប ទាកងទ័ពរឹងមាំថែមទៀតផង”។
ពាក់ព័ន្ធនឹងគម្រោងដាក់បញ្ចូល ក្បាច់គុនល្បុក្កតោក្នុងបញ្ជីឈ្មោះអង្គការUNESCO ខាងលើនេះដែរ លោកវ៉ាត់ ចំរើន អនុរដ្ឋលេខាធិការក្រសួងទេស ចរណ៍និងជាអគ្គលេខាធិការគណៈកម្មា ធិការជាតិអូឡាំពិកកម្ពុជាបានចេញ សេចក្ដីថ្លែងការណ៍រួមបន្ទាន់មួយក្រោយពីអង្គសិក្ខាសាលាដំណើរការអស់រយៈ ពេល២ថ្ងៃនិងបានបញ្ចប់កាលពីព្រឹក ថ្ងៃទី១៩ ខែមករា ឆ្នាំ២០១៦ ចំនួន៤ ចំណុចទី១-ឯកភាពគាំទ្រចុះបញ្ជីក្បាច់ គុនល្បុក្កតោក្នុតម្លៃ Representative List ជាសម្បត្ដិបេតិកភណ្ឌអរូបីនៃ មនុស្សជាតិរបស់អង្គការ UNESCO ។ ទី២-ឯកភាពគាំទ្រចាត់វិធានការនិង ចូលរួមអភិរក្សអភិវឌ្ឍក្បាច់គុនល្បុក្ក តោក្នុងសង្គមវប្បធម៌ខ្មែរនិងក្នុងសហ គមន៍ខ្មែរ។ ទី៣-ឯកភាពចំពោះគុណ តម្លៃរងក្បាច់គុនល្បុក្កតោជាមាគ៌ាឆ្ពោះទៅរកទស្សនវិស័យនៃជីវិតនិងជាមាគ៌ា នៃគុណភាពជីវិតសម្រាប់អប់រំកាយ-ចិត្ដនិងអប់រំសីលធម៌-វប្បធម៌ក្នុងសង្គម ជាតិជារៀងរហូត។ ទី៤-អង្គសិក្ខាសាលា សូមអំពាវនាវដល់ប្រជាពលរដ្ឋ សហ គមន៍ វិស័យឯកជន អង្គភាពស្ថាប័ន សាធារណៈ សិស្សនិស្សិត កងកម្លាំង ប្រដាប់អាវុធ សហការរួមចិត្ដ រួមគិត រួមធ្វើនិងរួមទទួលខុសត្រូវលើការអក្សភិរក្សនិងអភិវឌ្ឍ “គុណតម្លៃនៃក្បាច់ គុនល្បុក្កតោខ្មែរ” ដើម្បីទុកជាមរតក វប្បធម៌ជាតិនិងមនុស្សជាតិលើពិភព លោកផងដែរ ។
សេចក្ដីថ្លែងការណ៍ខាងលើនេះ ត្រូវ បានលោកស្រី ភឿង សកុណា រដ្ឋមន្ដ្រី ក្រសួងវប្បធម៌និងវិចិត្រសិល្បៈបានថ្លែងគាំទ្រទាំងស្រុងនូវសេចក្ដីថ្លែងការណ៍ របស់អង្គសិក្ខាសាលាស្ដីពីគុណតម្លៃ នៃក្បាច់គុនល្បុក្កតោក្នុងសង្គមវប្បធម៌ ជាតិខ្មែរដើម្បីដាក់បញ្ចូលឯកសារកីឡាល្បុកតោដែលជាដួងព្រលឹងជាតិនិង ជាសម្បត្ដិវប្បធម៌អរូបីអាចទាក់ទាញ ភ្ញៀវទេសចរដូចជាប្រាសាទអង្គរវត្ដ និងវប្បធម៌អរូបីជាច្រើនទៀតដែលត្រូវការឱ្យកូនខ្មែរគ្រប់ជំនាន់ជួយថែរក្សា ៕
ដោយ៖ សារីម
