ខេត្តសៀមរាប៖ កំលាំងនគរបាលប៉ុស្តិ៍រដ្ឋបាលសង្កាត់គោកចក បានឃាត់ខ្លួនជនសង្ស័យម្នាក់ ឈ្មោះ ឈិន វុទ្ធី ហៅ កន សំបូរ ភេទប្រុស អាយុ ៣៤ឆ្នាំ កាលពីវេលាម៉ោង៣ទៀបភ្លឺ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ក្រោយធ្វើសកម្មភាព ប៉ុនប៉ង រំលោភសេពសន្ធវ: លើកុមារីពិការ ឈ្មោះ ឡ ស ណ អាយុ ១០ ឆ្នាំដែលពិការមិនអាចនិយាយកើត តែមិនបានសម្រេច នៅព្រលប់ ថ្ងៃទី១៨ ខែមករា ឆ្នាំ២០១៦។
បើតាមប្រភពព័ត៌មានពីកន្លែងកើតហេតុបានអោយដឹងថា ជនសង្ស័យ បានផឹកស្រាជាមួយឪពុកជនរងគ្រោះ អស់ស្រាចំនួន៤លីត្រ ឪពុកជនរងគ្រោះបានចូលក្នុងផ្ទះដេកមុន លុះដល់ម៉ោងវេលាម៉ោង២រំលងអធ្រាត្រ ជនសង្ស័យ បានដើរទៅខាងក្រោយផ្ទះ ហើយស្រាតខោរបស់ខ្លួន ពាក់នឹងទ្រុងមាន់រួច ចូលតាមបង្អួច ហើយធ្វើសកម្មភាព រំលោភលើជនរងគ្រោះ តែមិនបានសម្រេចត្រូវ បានឪពុកជនរងគ្រោះ ស្រែកឆោឡោ ឲ្យអ្នកជិតខាងជួយ និងរាយការណ៍ទៅសមត្ថកិច្ចនគរបាល ប៉ុស្តិ៍រដ្ឋបាលសង្កាត់គោកចក ដឹកនាំដោយ លោកអនុសេនីយ៍ឯក ឈុំ សំបាន សហការណ៍ជាមួយបងប្អូនប្រជាពលរដ្ឋ ឃាត់ខ្លួនជនសង្ស័យបានទាន់ពេលវេលា ដោយសុំគោលការណ៍ ពីលោកព្រះរាជអាជ្ញាតាមរយៈលោកអធិការរង ទទួលបន្ទុកព្រហ្មទណ្ឌក្រុង ដើម្បីឃាត់ខ្លួនជនសង្ស័យ និងបញ្ជូនបន្តទៅការិយាល័យព្រហ្មទណ្ឌកម្រិតធ្ងន់ ដើម្បីកសាងសំណុំរឿងបញ្ជូន ជនសង្ស័យទៅតុលាការផ្តន្ទាទោសតាមច្បាប់ ៕
ដោយ៖ ប៊ុន រិទ្ធី
