ខេត្ដព្រះសីហនុ៖ មនុស្ស២នាក់បាន ស្លាប់ភ្លាមៗកៀបនៅក្រោមរថយន្ដក្នុង ករណីគ្រោះថ្នាក់ចរាចរណ៍រវាងម៉ូតូនឹង រថយន្ដបុកគ្នាក្នុងទិសដៅបញ្ច្រាសគ្នា កាល ពីវេលាម៉ោង៩យប់ថ្ងៃទី២១ ខែមករា ឆ្នាំ២០១៥ នៅលើកំណាត់ផ្លូវជាតិ លេខ៤ ត្រង់ចន្លោះគីឡូម៉ែត្រលេខ១២៦ -១២៧ ស្ថិតនៅក្នុងភូមិចាំស្រី ឃុំកំពង់ សិលា ស្រុកកំពង់សិលា ខេត្ដព្រះសីហនុ ។ នៅកន្លែងកើតហេតុគេឃើញរថយន្ដ ឈប់នៅខាងស្ដាំដៃដោយមានម៉ូតូនិង សពជនរងគ្រោះទាំង២នាក់ស្លាប់កៀប ជាប់នៅពីក្រោមរថយន្ដ។
សមត្ថកិច្ចបានសន្និដ្ឋានថា មុនពេល កើតហេតុជនរងគ្រោះអាចបើកម៉ូតូ ជែងរថយន្ដមួយគ្រឿងទៀតហើយជ្រុល ចូលទៅខាងចំណែកផ្លូវរថយន្ដហើយ ក៏បុកនឹងរថយន្ដដែលបើកមកពីមុខ ពេញទំហឹងបណ្ដាលឱ្យស្លាប់នៅក្នុងថ្លុក ឈាមតែម្ដង ។
សមត្ថកិច្ចកងរាជអាវុធហត្ថស្រុក បានឱ្យដឹងថា រថយន្ដជួបគ្រោះថ្នាក់ចរា ចរណ៍ជាប្រភេទរថយន្ដកូរ៉េម៉ាកហ៊ីយ៉ាន់ ដាយ ពាក់ស្លាកលេខភ្នំពេញ 2C-4781 មានទិសដៅពីក្រុងព្រះសីហនុទៅភ្នំពេញ។ ចំណែកម៉ូតូម៉ាកហុងដាសេ១០០ ស៊េរី ឆ្នាំ២០០៩។
លោកហួត ចាន់ធី អធិការស្រុក កំពង់សិលាបានឱ្យដឹងថា ជនរងគ្រោះ ដែលស្លាប់ទាំង២នាក់ទី១-ឈ្មោះឯម សុផន ភេទប្រុស អាយុ២០ឆ្នាំ និងទី២- ឈ្មោះមន ប្រុស ភេទប្រុស អាយុ២៤ឆ្នាំ មានទីលំនៅភូមិក្រាំងអាត់ ឃុំ-ស្រុក កំពង់សិលា ។
ក្រោយកើតហេតុអ្នកបើកបររថយន្ដ បានចុះរត់គេចខ្លួនបាត់។ បច្ចុប្បន្នកម្លាំង កងរាជអាវុធហត្ថស្រុកនិងនគរបាលបាន អូសយករថយន្ដ និងម៉ូតូទៅរក្សាទុក ដើម្បីដោះស្រាយតាមច្បាប់ ។
សព្វថ្ងៃកំណើនគ្រោះថ្នាក់ចរាចរណ៍ កើនឡើងគួរឱ្យព្រួយបារម្ភកត្ដាទាំងនេះ បណ្ដាលមកពីអ្នកបើកបរយានជំនិះមិន គោរពច្បាប់ចរាចរណ៍និងគ្មានសីលធម៌ ក្នុងនាមជាអ្នកបើកបរ ៕
ដោយ៖ ឆ្លាមសមុទ្រ
