ភ្នំពេញ៖ ក្រសួងបរិស្ថាន តែងរំលឹកឱ្យជនរួមជាតិ រួមគ្នាដេីម្បីការពារ និងអភិរក្សសត្វស្លាបនៅកម្ពុជា! ថ្ងៃនេះក្រសួងក៏បានលើកយកពីសត្វ ទន្រ្ទីតទន្លេ Small Pratincole ជាប្រភេទក្រុមបក្សីដែលរស់នៅតំបន់ដីសេីម ហេីយមានវត្តមានពេញមួយឆ្នាំ ប៉ុន្តែមិនសូវសំបូរ។ បក្សីទន្រ្ទីតទន្លេ មានទំហំពី ១៦-១៩សង់ទីម៉ែត្រ និងស៊ីសត្វល្អិតជាចំណីអាហារ ហេីយនៅរដូវបន្តពូជ គេអាចសម្គាល់បក្សីនេះមានមាឌតូច និងពណ៌ប្រផេះស្រាលជាងទន្រ្តីតធំ គ្មានពុកមាត់ខ្មៅ ផ្នែកខាងក្រោមស្លាបមានពណ៌សតាមបណ្តោយស្លាបទី១និងទី២ និងពណ៌ខ្មៅតាមបណ្តោយគែមលេីនៃស្លាប។ ចំណែកឯនៅរដូវមិនបន្តពូជ ដេីមទ្រូងរបស់បក្សីនេះមានឆូតៗ និងបំពង់កពណ៌ស។ ទីជម្រកទន្រ្តីតទន្លេ គឺរស់នៅតាមមាត់បឹង ឬតំបន់ដីសេីម និងតាមឆ្នេរសមុទ្រ។ រដូវបន្តពូជរបស់បក្សីទន្ត្រីតទន្លេ គឺចាប់ពីខែកុម្ភៈ រហូតដល់ខែមិថុនា ហេីយពងចំនួនពី ២ ទៅ៤គ្រាប់។
ក្រសួងបរិស្ថានបញ្ជាក់ថា៖ ផ្តិតរូបភាពដោយ Koh Samseb Community Based Ecotourism-សហគមន៍អេកូទេសចរណ៍កោះសាមសិប ដែលស្ថិតនៅទីតាំងកោះសាបសិប, ខេត្តក្រចេះ និងមានឯកសារយោងតាម សៀវភៅសត្វស្លាបនៃប្រទេសកម្ពុជា៕
ដោយ៖ សិលា
