ភ្នំពេញ៖ ហេតុការណ៍មួយបង្កឱ្យភ្ញាក់ផ្អើលដល់លោកគ្រូអ្នកគ្រូនៅក្នុងសាលា បឋមសិក្សាជម្ពូវ័នបន្ទាប់ពីលោកនាយកសាលាដែលទើបមកកាន់តំណែងថ្មីបាន ១ឆ្នាំជំនួសលោកនាយកសាលាចាស់ចូលនិវត្ដន៍បែរជាធ្វើឱ្យបុគ្គលិក សិក្សាសឹងទូទាំងសាលាប្រេះឆាជាមួយ នាយកថ្មី ខណៈដែលលោកនាយកថ្មី ប្រកាន់បក្ខពួកនិយមធ្វើឱ្យលោកគ្រូអ្នក គ្រូមិនពេញចិត្ដ ។
សកម្មភាពនេះធ្វើឱ្យមានភាពរង្គោះរង្គើកាន់តែរីកធំឡើងៗរហូតទទួលព័ត៌ មានក្រៅផ្លូវការមួយថា លោកនាយកថ្មី ប៉ុនប៉ងចង់កម្ចាត់នាយករងចំនួន២នាក់ ចេញពីសាលានេះទៀតទើបគ្រូទូទាំង សាលាចង់ប៉ះបោរ លែងចូលបង្រៀននិង ធ្វើឱ្យសិស្សព្រួយបារម្ភខ្លាចអត់មានគ្រូ បង្រៀន ។
ហេតុការណ៍នេះបានភ្ញាក់ផ្អើលកាលពីព្រឹកថ្ងៃទី២៦ ខែមករា ឆ្នាំ២០១៦ នៅ ក្នុងសាលាជម្ពូវ័ន សង្កាត់ចោមចៅ ខណ្ឌ ពោធិ៍សែនជ័យ ខណៈដែលលោកគ្រូអ្នក គ្រូមួយចំនួនមិនចូលបង្រៀន ។
នាយកសាលាទើបឡើងថ្មីឈ្មោះ ស្វាយ សារុន ផ្លាស់ប្ដូរមកពីសាលានៅ ខេត្ដតាកែវបាន៤ឆ្នាំចូលបង្រៀននៅ សាលាបឋមសិក្សាជម្ពូវ័នបាន៣ឆ្នាំប្ដូរ ទៅបង្រៀននៅវិទ្យាល័យជម្ពូវ័ន១ឆ្នាំ ផ្នែកភាសាខ្មែររួចត្រូវបានតែងតាំងពី មន្ទីរអប់រំរាជធានីភ្នំពេញមកធ្វើជា នាយកសាលាបឋមសិក្សាជម្ពូវ័នកាល ពីថ្ងៃទី២៩ ខែធ្នូ ឆ្នាំ២០១៥ ។
តាមបុគ្គលិកសិក្សាបានបង្ហើបប្រាប់ថា ចាប់តាំងពីលោកស្វាយ សារុន ចូល មកកាន់តំណែងជានាយកសាលាកាល ណាមកធ្វើឱ្យបុគ្គលិកសិក្សាបែកបាក់ សាមគ្គី ខណៈដែលនាយកសាលារូបនេះ បក្ខពួកនិយមធ្វើឱ្យមិនទុកចិត្ដគ្នារវាង នាយកនឹងនាយករងឈានទៅដល់បែក បាក់សាមគ្គីផ្ទៃក្នុង ។
តាមអ្វីដែលលោកគ្រូអ្នកគ្រូទូទាំង សាលាបានបង្ហើបឱ្យដឹងថា ប្រការមិនទុក ចិត្ដគ្នារវាងលោកនាយកនឹងនាយករង ឈានទៅដល់ចំណុចក្ដៅនេះធ្វើឱ្យបុគ្គលិក ក្នុងសាលាមិនពេញចិត្ដបន្ទាប់ពីលោកនាយក ស្វាយ សារុន បំបែកបំបាក់ កម្ចាត់កម្ចាយនាយករងសាលាចំនួន២ នាក់ចេញពីសាលា ទី១-លោក ខាត់ សេងលី ដកទៅសាលាបឋមសិក្សា សុភមង្គល ទី២-លោក កែវ គង់ ដក ទៅសាលាបឋមសិក្សាពូនភ្នំ ។ ទោះជា យ៉ាងណាក៏ដោយលោកគ្រូអ្នកគ្រូទូទាំងសាលាកើតក្ដីមិនពេញចិត្ដ ខណៈដែល លោកគ្រូទាំង២នាក់បង្រៀននៅសាលា បឋមសិក្សាជម្ពូវ័នរាប់សិបឆ្នាំកន្លងមកមិនដែលមានបញ្ហាអ្វីទេ ។ លុះពេល លោក ស្វាយ សារុន មកធ្វើជានាយក ស្រាប់តែកម្ចាត់ពួកគាត់តែម្ដង ។
បុគ្គលិកសិក្សាទាំងនោះបានឱ្យដឹង ទៀតថា ដើមចមការច្រណែនឈ្នានីស គ្នាកើតទៅជាទំនាស់ផ្ទៃក្នុងសាលាដូច ជាហួសហេតុពេក ព្រោះលោកនាយកថ្មី ពេលឃើញលោកគ្រឈរជជែកក្រៅ ម៉ោងបង្រៀនសិស្សក៏គំរាមមិនឱ្យ ជជែកថែមទាំងដាក់បំរាមហាមបុគ្គលិក មិនឱ្យនិយាយចូលជាមួយលោកគ្រូ នាយករងទាំង២នាក់ខាងលើទៀតផង ។
បន្ទាប់ពីមានវិវាទទំនាស់ផ្ដើមដោយភាពមិនទុកចិត្ដគ្នារវាងលោកគ្រូនាយក ជាមួយនាយករងធ្វើឱ្យកូនសិស្សព្រួយ បារម្ភកើតក្ដីកង្វល់ខ្លាំង ព្រោះលោកគ្រូ អ្នកគ្រូប្រៀបបានជាឪពុកម្ដាយទី២របស់ពួកគេបានជះឥទ្ធិពលមិនល្អដល់សង្គម សាលារៀនជាថ្នាលបណ្ដុះបណ្ដាលវិជ្ជា បង្កើននូវធនធានមនុស្សដើម្បីជាទំញំង ស្នងឫស្សី កាលបើឫស្សីពុកស្អុយធ្វើឱ្យ ទំញំងក៏មិនល្អដែរ ។
ទោះជាយ៉ាងណាក្នុងវិវាទរវាងបុគ្គលិក សិក្សានឹងនាយកសាលាបឋមសិក្សាជម្ពូវ័ននេះត្រូវបានអាជ្ញាធរខណ្ឌពោធិ៍សែនជ័យជួយសម្របសម្រួលឱ្យមានស្មារតីសាមគ្គីកុំបែកបាក់គ្នា ហើយទទួលយក សំណូមពរទាំងអស់ពីបុគ្គលិកសិក្សាជូន ទៅមន្ទីរអប់រំរាជធានីភ្នំពេញដើម្បីដោះស្រាយបន្ដទៀត ៕
ដោយ៖ សុខាសែនជ័យ
