ខេត្ដព្រះសីហនុ៖ យោងតាមសេចក្ដីជូនដំណឹងលេខ៧២ ចុះថ្ងៃទី១៩ ខែមករា ឆ្នាំ២០១៦របស់ទីស្ដីការគណៈរដ្ឋមន្ដ្រីបានបញ្ជាក់ថា រាជរដ្ឋាភិបាលបានឯក ភាពតាមស្មារតីអង្គប្រជុំចំនួន៥ចំណុចពាក់ព័ន្ធនឹងការដកហូតដីចំណីឆ្នេរសមុទ្រ ជាច្រើនកន្លែងនៅលើទឹកដីខេត្ដព្រះសីហនុមកទុកជាសម្បត្ដិរដ្ឋបម្រើផលប្រយោជន៍ ជាសាធារណៈលើវិស័យទេសចរណ៍វិញ និងការពិនិត្យឡើងវិញអ្នកដែលពាក់ព័ន្ធកាន់កាប់មិនប្រក្រតីលើដីតំបន់បឹង ព្រែកទប់ (បឹងស្ដុកទឹកស្អាត) តាមនីតិ វិធីដើម្បីប្រមូលដីបឹងព្រែកទប់យកមកវិញហើយស្នើសុំដាក់បឹងព្រែកទប់ជា តំបន់អភិរក្សដោយព្រះរាជក្រឹត្យ ។
កិច្ចការនេះរាជរដ្ឋាភិបាលបាន សម្រេចប្រគល់ទៅឱ្យគណៈកម្មាធិការ ជាតិគ្រប់គ្រងនិងអភិវឌ្ឍន៍តំបន់ឆ្នេរ សមុទ្រកម្ពុជាដែលមានលោកទេសរដ្ឋមន្ដ្រី អ៊ឹម ឈុនលឹម រដ្ឋមន្ដ្រីក្រសួងរៀប ចំដែនដី ជាប្រធាន, លោក ថោង ខុន រដ្ឋមន្ដ្រីក្រសួងទេសចរណ៍ ជាអនុប្រធាន អចិន្ដ្រៃយ៍ និងលោក សាយ សំអាល់ រដ្ឋ មន្ដ្រីក្រសួងបរិស្ថាន ជាអនុប្រធានដឹក នាំអនុវត្ដ ។
ក្នុងនោះទី១-ករណីបឹងព្រែកទប់ ស្ថិត នៅសង្កាត់លេខ៣ ក្រុងព្រះសីហនុ ដោយ ពិនិត្យឃើញភាពចាំបាច់នៃការអភិរក្ស ថែរក្សាអាងស្ដុកទឹកស្អាតសម្រាប់ប្រើ ប្រាស់ក្នុងក្រុងព្រះសីហនុត្រូវតែចុះសិក្សាកំណត់អត្ដសញ្ញាណអ្នកកាន់កាប់ដីពី ភាពមិនប្រក្រតី ឬភាពអនាធិបតេយ្យ និងកំណត់និយាមកាច្បាស់លាស់ ដើម្បីស្នើសុំដាក់បឹងព្រែកទប់ជាតំបន់ អភិរក្ស ដោយព្រះរាជក្រឹត្យ ។
ទី២-ករណីឆ្នេរឯករាជ្យស្ថិតនៅ សង្កាត់លេខ៣ ក្រុងព្រះសីហនុដើម្បី បង្កើនផ្ទៃក្រឡាលំហសាធារណៈ និង ខ្សាច់កម្សាន្ដនៅតំបន់ឆ្នេរឯករាជ្យក្រុង ព្រះសីហនុត្រូវចុះសិក្សានិងកំណត់តំបន់ឆ្នេរឯករាជ្យដែលត្រូវអភិវឌ្ឍនិងតំបន់ អភិរក្សសម្រាប់សាធារណជនលំហែនិង កម្សាន្ដស្របតាមបទដ្ឋានបច្ចេកទេស និងបទដ្ឋានគតិយុត្ដិជាធរមាន ដោយនៅ ចំពោះមុខតម្រូវឱ្យរុះរើការបាំងរបង និង រៀបចំកែសម្រួលឱ្យសាធារណជនអាចចូលទៅកម្សាន្ដឆ្នេរខ្សាច់នៅតំបន់ឆ្នេរ នេះបាន ។
ផ្អែកលើលទ្ធផលនៃការសិក្សាខាង លើនិងដោយសារស្ថានភាពបច្ចុប្បន្នមានរបាំងរារាំងមិនអាចឱ្យសាធារណជនទៅលំហែនិងកម្សាន្ដតំបន់ឆ្នេរខ្សាច់បាន ទាក់ទងនឹងគម្រោងវិនិយោគនិងការ កាន់កាប់ឯកជនត្រូវពិនិត្យជម្រើស២គឺ ទី១-ត្រូវយកមកធ្វើជាទ្រព្យសម្បត្ដិរដ្ឋ វិញដោយរដ្ឋដោះស្រាយចេញសំណង ជូនតាមគោលការណ៍ច្បាប់ជាធរមាន ដើម្បីរៀបចំតំបន់នេះជាឆ្នេរសម្រាប់ សាធារណជន ។ ទី២-ផ្ដល់ការអនុញ្ញាត ឱ្យម្ចាស់វិនិយោគបន្ដអភិវឌ្ឍនិងប្រើ ប្រាស់ស្របតាមច្បាប់និងបទដ្ឋានគតិ យុត្ដិ ពិសេសសារាចរណែនាំលេខ០១ សរណន ចុះថ្ងៃ ទី៣ ខែកុម្ភៈ ឆ្នាំ២០១២ របស់រាជរដ្ឋាភិបាលស្ដីពីការអភិវឌ្ឍ តំបន់ឆ្នេរសមុទ្រនៃព្រះរាជាណាចក្រ កម្ពុជានិងត្រូវបើកចំហឱ្យសាធារណជនអាចចេញចូលប្រើប្រាស់និងកម្សាន្ដឆ្នេរខ្សាច់នៅតំបន់ឆ្នេរឯករាជ្យបានដោយ គ្មានរបាំងនិងការរារាំង ។
ទី៣-ករណីឆ្នេរអូរត្រេះស្ថិតនៅសង្កាត់ លេខ៤ ក្រុងព្រះសីហនុ ដើម្បីជំរុញការ រៀបចំឆ្នេរអូរត្រេះស្របតាមគោលការណ៍ របស់រាជរដ្ឋាភិបាល (លិខិតលេខ៩៤៧ ស.ជ.ណ ឧស ចុះថ្ងៃទី៣ ខែកក្កដា ឆ្នាំ ២០១៤ របស់ទីស្ដីការគណៈរដ្ឋមន្ដ្រី) ត្រូវសិក្សាអំពីវិធានការរុះរើសំណង់អនាធិបតេយ្យនៅតាមដីចំណីឆ្នេរនិងចាប់ ផ្ដើមអប់រំនិងផ្សព្វផ្សាយព្រមទាំងកំណត់ពេលវេលានិងកិច្ចសន្យាច្បាស់លាស់ជាមួយនឹងអាជីវករនិងអ្នកតាំងទីលំនៅនៅទីនោះឱ្យរុះរើចេញដើម្បីរៀបចំជាឆ្នេរគំរូសាធារណៈសម្រាប់បម្រើសេវាកម្មទេស ចរណ៍និងការលំហែនិងកម្សាន្ដឱ្យស័ក្ដិ សមជាឆ្នេរគំរូ ព្រមទាំងសិក្សាឱ្យមាន អ្នកអភិវឌ្ឍតំបន់ឆ្នេរអូរត្រេះ ឬជាអ្នក គ្រប់គ្រងដើម្បីធានាការគ្រប់គ្រងឆ្នេរឱ្យមាននិរន្ដរភាព ។
ទី៤-ករណីឆ្នេរអូរឈើទាល (ទល់មុខ ដីក្រុមហ៊ុនសុខា អូតែល អតីតអារី ស្ដុន) ស្ថិតនៅសង្កាត់លេខ៤ ក្រុងព្រះ សីហនុដើម្បីធ្វើសមាហរណកម្មផ្លូវតាមបណ្ដោយឆ្នេរភ្ជាប់ពីឆ្នេរអូរឈើទាលទៅឆ្នេរអូរត្រេះនិងបើកចំហឆ្នេរនេះសម្រាប់ សាធារណជននិងអ្នកទេសចរអាចកម្សាន្ដ បាន ត្រូវរក្សានិងរៀបចំវិថីអូរឈើទាល (ផ្លូវប្របឆ្នេរចម្ងាយ៥០ម៉ែត្រពីឆ្នេរ ខ្សាច់)បន្ដទៅទិសខាងជើងមានទំហំទទឹងសមស្របដោយកាត់តាមដីក្រុមហ៊ុន សុខាអូតែល (អតីតអារីស្ដុន) ស្រប តាមបណ្ដោយឆ្នេរសមុទ្រ ។ ដីចំណីឆ្នេរ ត្រូវរៀបចំជាសួនច្បារនិងឆ្នេរខ្សាច់ដែល នៅពីមុខផ្លូវនេះត្រូវថែរក្សានិងការពារសម្រាប់សាធារណជនលំហែនិងកម្សាន្ដ ដោយមិនអនុញ្ញាតឱ្យសាងសង់សំណង់ គ្រប់ប្រភេទនិងដោយផ្ដល់សិទ្ធិឱ្យក្រុមហ៊ុន សុខា អូតែល ចូលរួមការពារ និងថែ រក្សា ។ ក្រុមហ៊ុនសុខាអូតែលជាអ្នកធានា ទទួលបន្ទុកចំណាយលើការរៀបចំ និង ការសាងសង់ផ្លូវនិងសួនច្បារលើទីតាំងដីចំណីឆ្នេរនេះនិងគណៈកម្មាធិការគ្រប់ គ្រងនិងអភិវឌ្ឍន៍ឆ្នេរសមុទ្រកម្ពុជា ខេត្ដ ព្រះសីហនុជាអ្នកអនុវត្ដ(កិច្ចការនេះ បានឯកភាពជាមួយក្រុមហ៊ុនសុខាអូតែលរួចហើយ) ។
ទី៥-ករណីឆ្វៀលដីស្បែកខ្លាជូនប្រជា ពលរដ្ឋនិងការដោះស្រាយបញ្ហាសំណង់ លើទឹកដីចំណីឆ្នេរ និងឆ្នេរខ្សាច់កោះរ៉ុង ស្ថិតនៅសង្កាត់កោះរ៉ុង ក្រុងព្រះសីហនុ ដើម្បីជំរុញការអនុវត្ដគោលការណ៍របស់ រាជរដ្ឋាភិបាលអំពីការឆ្វៀលដីស្បែក ខ្លាជូនប្រជាពលរដ្ឋ (លិខិតលេខ៩៤៧ ស.ជ.ណ. ឧស ចុះថ្ងៃទី៣ ខែកក្កដា ឆ្នាំ ២០១៤របស់ទីស្ដីការគណៈរដ្ឋមន្ដ្រី) និង ដើម្បីលើកកម្ពស់កិច្ចការពារបរិស្ថាន និងភាពស្រស់ស្អាតនៃកោះរ៉ុងជាមួយ នឹងការអនុវត្ដការឆ្វៀលដីស្បែកខ្លាជូន ប្រជាពលរដ្ឋនៅកោះរ៉ុងត្រូវសិក្សារក ដំណោះស្រាយប្ដូរទីតាំងសំណង់ទាំងឡាយ ដែលបានបោះទីតាំងនៅលើទឹកដីចំណី ឆ្នេរនិងឆ្នេរខ្សាច់កោះរ៉ុងឱ្យទៅនៅលើដី ផ្នែកខាងក្នុងនៃកោះរ៉ុងនិងត្រូវគោរពស្នើសុំគោលការណ៍ពីរាជរដ្ឋាភិបាលកាត់ដី រដ្ឋដែលនៅសល់ពីគម្រោងវិនិយោគ ផ្នែកខាងក្នុងនៃកោះរ៉ុងជាថ្នូរផ្ដល់ជូនអ្នកដែលត្រូវឱ្យប្ដូរទីតាំងនេះវិញ ។ ករណីនេះ ក៏ជាគំរូមួយសម្រាប់ការដោះស្រាយ សំណង់លើទឹកលើដីចំណីឆ្នេរនិងឆ្នេរ សមុទ្រនៅតំបន់ផ្សេងទៀតក្នុងតំបន់ឆ្នេរសមុទ្រទាំងមូលនៃខេត្ដព្រះសីហនុ ។
ដើម្បីអនុវត្ដចំណុចទាំង៥នេះរាជរដ្ឋាភិបាលបានឯកភាពបង្កើតក្រុមការងារពិសេសមួយដោយអនុក្រឹត្យដែលដឹកនាំដោយគណៈកម្មាធិការជាតិគ្រប់គ្រង និង អភិវឌ្ឍន៍តំបន់ឆ្នេរសមុទ្រកម្ពុជាដើម្បីគាំទ្រការអនុវត្ដផ្ទាល់ដោយគណៈបញ្ជាការឯកភាពខេត្ដព្រះសីហនុនិងមានកញ្ចប់ថវិកាពិសេសមួយសម្រាប់ផ្ដល់ជូនគណៈបញ្ជាការឯកភាពនេះដើម្បីអនុវត្ដតាម។ ជាមួយនឹងខ្លឹមសារសម្រេចរបស់រាជរដ្ឋាភិបាលខាងលើនេះប្រជាពលរដ្ឋខេត្ដ ព្រហសីហនុបានសម្ដែងការគាំទ្រយ៉ាង ពេញទំហឹង ពីព្រោះថាឆ្នេរសមុទ្រដែល ជាសម្បត្ដិរបស់រដ្ឋនៅលើទឹកដីខេត្ដព្រះសីហនុមួយចំនូនធំកំពុងត្រូវបានធ្លាក់ ទៅលើកម្មសិទ្ធិឯកជនស្ទើរអស់ទៅ ហើយ ។ ដូចនេះបើរាជរដ្ឋាភិបាលដក ហូតមកវិញក្នុងគោលដៅបម្រើផល ប្រយោជន៍ជាសាធរណៈលើវិស័យទេសចរណ៍វាជារឿងត្រឹមត្រូវបំផុតហើយ ។
ដោយឡែកចំពោះបឹងព្រែកទប់ដែលជាបឹងប្រវត្ដិសាស្ដ្រក៏ដូចគ្នាដែរដោយ អ្នកដែលរំលោភបំពានយកដីជុំវិញបឹងសុទ្ធសឹងជាអ្នកមានអំណាចបុណ្យស័ក្កិនិង ទ្រព្យសម្បត្ដិទាំងអស់មិនមានអ្នកក្រីក្រ នោះទេ ពីព្រោះប្រជាពលរដ្ឋរស់នៅពិត ប្រាកដមិនបង្កផលប៉ះពាល់បរិស្ថានបឹង ព្រែទប់នោះឡើយ ៕
ដោយ៖ ឆ្លាមសមុទ្រ
