ភ្នំពេញ៖ នេះគឺជាឆ្នាំទី4ហើយ សំរាប់ព្រឹត្តិការណ៍បាល់ទាត់ Tiger Street Football Festival នាំមកជូនដោយស្រាបៀរថៃហ្គ័រ ដែលទទួលបានចំណាប់អារម្មណ៏និងការគ្រាំទ្រយ៉ាងខ្លាំងពីសំណាក់អ្នកចូលរួមប្រកួត និងអ្នកទស្សនា។ Tiger Street Football Festivalឥឡូវនេះជាព្រឹត្តិការណ៏ប្រកួតកីឡាដ៏ធំអស្ចារ្យសំរាប់យុវជននៅក្នុងប្រទេសកម្ពុជា។
ការចុះឈ្មោះចូលរួមប្រកួតវគ្គជម្រុះតាមតំបន់នៃកម្មវិធី Tiger Street Football Festival 2016 បានចាប់ផ្តើមហើយចាប់ពីថ្ងៃនេះនៅទីក្រុងសៀមរាប បាត់ដំបង ព្រះសីហនុ កំពង់ចាម និង រាជធានីភ្នំពេញដើម្បីសម្រាំងជ្រើសរើស ៣២០ ក្រុមមុនពេលការប្រកួតវគ្គផ្តាច់ព័ត្រថ្នាក់ជាតិប្រព្រឹត្តធ្វើឡើងក្នុងរាជធានីភ្នំពេញមជ្ឈមណ្ឌលកោះពេជ្រខាងមុខសាលមហោស្រពដើម្បីស្វែងរកជើងឯកTiger Street Football Festival 2016។
ដើម្បីមានសិទ្ធិចូលរួមប្រកួតវគ្គជម្រុះតាមតំបន់ កីឡាករទាំងអស់ត្រូវជាបុរសដែលមានអាយុចាប់ពី១៨ឡើងទៅគិតត្រឹមថ្ងៃទី១ខែមករា២០១៦។ កីឡាករទាំងអស់អាចរកពាក្យសុំប្រកួតបានដែលមាននៅតាមការិយាល័យក្រុមហ៊ុនស្រាបៀរ Tiger នៅរាជធានីភ្នំពេញរឺនៅតាមបណ្តាខេត្តសៀមរាបបាត់ដំបង កំពង់ចាមនិងព្រះសីហនុឬសហព័ន្ធកីឡាបាល់ទាត់កម្ពុជាដែលស្ថិតនៅពហុកីឡាដ្ឋានជាតិអូឡាំពិក ឬទាញយកពីបណ្តាញសង្គម Facebook.com/TigerBeerKH ។ បែបបទដែលបានបំពេញរួច ត្រូវយកមកដាក់នៅតាមការិយាល័យស្រាបៀរ Tiger ឬតាមរយៈសហព័ន្ធបាល់ទាត់កម្ពុជា ឬតាមរយៈអ៊ីម៉ែល៖[email protected]។ ក្រុមហ៊ុននឹងជម្រាបអំពីពត៌មានលំអិតឬឯកសារបំពេញបន្ថែមបន្ទាប់ពីដាក់ពាក្យរួច។
ដូច្នេះ សូមមកចុះឈ្មោះក្រុមរបស់លោកអ្នកឥឡូវនេះឲ្យបានមុនថៃ្ងទី 05 កុម្ភះ 2016។ ចំពោះកាលបរិច្ឆេទនៃការប្រកួត និងទីតាំង៖
• ថ្ងៃទី១៣ - ១៤ ខែកុម្ភៈ នៅខេត្ត ព្រះសីហនុ ឆ្នេរអូរឈើទាល
• ថ្ងៃទី ២០ - ២១ ខែកុម្ភៈ នៅខេត្ត កំពង់ចាម នៅខាងមុខសាលាគរុកោសល្យខេត្ត
• ថ្ងៃទី ២៧ - ២៨ ខែកុម្ភៈ នៅខេត្តសៀមរាប ខាងមុខសារមន្ទីរអប្សរា គ្យុងយូ
• ថ្ងៃទី ៥- ៦ ខែមីនា នៅខេត្តបាត់ដំបង ផ្សារទំនើបភូពុយ
• ថ្ងៃទី ១១- ១២ ខែមីនា នៅរាជធានីភ្នំពេញមជ្ឈមណ្ឌលកោះពេជ្រខាងមុខសាលមហោស្រព
ព្រឹត្តិការណ៍ Tiger Street Football Festival នេះមិនត្រឹមតែបង្ហាញស្ទីលលេងបាល់ទាត់ដ៏អស្ចារ្យថែមទាំងមានសកម្មភាពសប្បាយរីករាយជាច្រើននៅលើទីលាននិងក្រៅទីលានដូចជាការសំដែងក្បាច់រាំពីក្រុមនារីរាំដ៏ស្រស់ស្អាតកន្លែងលេងហ្គេមកំសាន្តការដាក់តាំងលក់សំភារ:ទាក់ទងនឹងកីឡាមានលក់ជូនពិសេសសំរាប់ការជាវផលិតផលស្រាបៀរ Tiger មានការប្រគំតន្ត្រីចូលរួមសំដែងដោយតារាល្បីៗ ហើយនឹងមានកម្មវិធីពិសេសជាច្រើនទៀតដែលញាំងអោយព្រឹត្តិការណ៍នេះកាន់តែជក់ចិត្ត និងដក់ជាប់អារម្មណ៍ដល់អ្នកទស្សនា។
ព័ត៌មានលម្អិតបន្ថែម សូមទំនាក់ទំនងលេខ៖077 777 928 ឬចូលទៅកាន់គេហទំព័រ៖ Facebook.com/TigerBeerKH ។
នេះពិតជាពេលវេលាមួយដ៏អស្ចារ្យ សំរាប់ក្រុមអ្នកចូលរួមប្រកួតដើម្បីក្លាយជាជើងឯក Tiger Street Football Festival 2016 រូមជាមួយទឹកប្រាក់ $10,000
ស្តែងចេញនូវភាពអស្ចារ្យ ដណ្តើមយកក្តីសុបិន្តអ្នក ជាមួយ Tiger Street Football Festival 2016
ពិសាដោយការទទួលខុសត្រូវ
