ភ្នំពេញ៖ នារីម្នាក់សង្ស័យមានវិបត្តិផ្លូវចិត្ត បានរត់ឡើងទៅលើស្ពានព្រះមុនីវង្ស (ច្បារអំពៅចាស់)រួចហើយលោតទឹកសម្លាប់ខ្លួន តែសំណាងល្អបានបងប្អូនប្រជាពលរដ្ឋឃើញចុះហែលទៅស្រង់ឡើងលើគោកវិញ។
ហេតុការណ៍នេះបានកើតឡើងនៅម៉ោង ៩ និង១៥ នាទីយប់ថ្ងៃចន្ទទី ២០ ខែកក្កដា ឆ្នាំ ២០២០ នៅក្រោមស្ពាន ច្បារអំពៅចាស់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថា មុនមុនពេលកើតហេតុគេឃើញនារីម្នាក់មិនដឹងជាមានវិបត្តិអ្វីទេបានរត់ឡើងលើស្ពានច្បារអំពៅចាស់យ៉ាងលឿន រួចក៏លោតចុះទៅក្នុងទឹកទន្លេ ប៉ុន្តែភ្លាមៗនោះក៏មានប្អូនប្រុស២នាក់ឃើញមានមនុស្សលោតទឹកសម្លាប់ខ្លួនបែបនេះក៏បានចុះហែលទឹកទៅចាប់ទាញជនរងគ្រោះស្រង់មកលើគោកវិញ ។
បន្ទាប់ពីកើតហេតុ សមត្ថកិច្ចមូលដ្ឋានបានចុះមកដល់រួចបានទាក់ទងទៅក្រុមគ្រួសារមកនាំនារីដែលលោតទឹកសម្លាប់ខ្លួននោះត្រឡប់ទៅផ្ទះវិញ៕
ដោយ៖ ជ្រោយពេជ្រ
