ភ្នំពេញ៖ កម្លាំងអធិការនគរបាលខណ្ឌសែនសុខចុះបង្ក្រាបទីតាំងចែកចាយ និងប្រើប្រាស់គ្រឿងញៀននៅចំណុច ក្រុម១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ក្នុងនោះឃាត់ខ្លួនអ្នកដែលជាប់ពាក់ព័ន្ធប្រើប្រាស់គ្រឿងញៀនចំនួន១៣នាក់។

ហេតុការណ៍ចុះបង្ក្រាបនេះធ្វើឡើងនៅវេលាម៉ោង២ និង៣០នាទីរសៀលថ្ងៃទី៣០ ខែមករា ឆ្នាំ២០១៦ ។

ក្រោយពីឃាត់ខ្លួនសមត្ថកិច្ចដកហូតបានឧបករណ៍ប្រើប្រាស់គ្រឿងញៀនមួយចំនួន និងបញ្ចូនជនសង្ស័យទាំង១៣នាក់ទៅអធិការដ្ឋាននគរបាលខណ្ឌសែនសុខដើមី្បសាកសួរ និងធ្វើតេសទឹកនោមរួចបញ្ចូនទៅតុលាការ ៕

ដោយ៖ តុង សីហា