ភ្នំពេញ ៖ យុវជន២នាក់ចេញពីកន្លែងលក់ស៊ុបបើកម៉ូតូទៅផ្ទះវិញបានជ្រុលចង្កូតទៅបុករថយន្តដឹកដីពីក្រោយយ៉ាងពេញទំហឹងបណ្តាលឲ្យស្លាប់ទាំង២នាក់។
ហេតហេតុការណ៍ដ៏រន្ធត់នេះកើតឡើង
នៅម៉ោង៩ និង២០នាទីយប់ ថ្ងៃទី២៨ ខែកក្កដា ឆ្នាំ ២០២០ តាមបណ្តោយផ្លូវជាតិលេខ១ ក្នុងសង្កាត់ក្បាលកោះ ខណ្ឌច្បាអំពៅ រាជធានីភ្នំពេញ។
សមត្ថកិច្ចបានឲ្យដឹងថា ជនរងគ្រោះដែលស្លាប់មានឈ្មោះពៅ ចាន់ទៀ អាយុ២៤ឆ្នាំ មុខរបរ លក់គ្រឿងសំណង់ មានប្រពន្ធ និងកូន ២នាក់ សព្វថ្ងៃរស់នៅភូមិចាឡក់ ឃុំគគីរ ស្រុកកៀនស្វាយ ខេត្តកណ្តាល។ ចំណែកអ្នករួមដំណើជាមួយគ្នាដែលស្លាប់ដែរនោះនៅមិនទាន់ស្គាល់អត្តសញ្ញាណនៅឡើយទេ។
ប្រភពព័ត៌មាននៅកន្លែងកើតហេតុបាន
ឲ្យដឹងថា មុនពេលកើតហេតុ គេបានឃើញរថយន្តដឹកដីចង្កូតស្តាំពាក់ស្លាកលេខPP-0912 បើកតាមបណ្តោយផ្លូវជាតិលេខ១ ក្នុងទិសដៅពីកើតទៅលិច ហើយគេបានឃើញយុវជន២នាក់ទៀតជិះម៉ូតូម៉ាកហុងដា click ពណ៌សពាក់ស្លាកលេខ ភ្នំពេញ 1-GL 9895 ឌុបគ្នាចេញពីកន្លែងលក់ស៊ុប ក្នុងទិសដៅពីកើតទៅលិចមកពីក្រោយរថយន្តដឹកដីនោះ ក្នុងក្នុងល្បឿនយ៉ាងលឿន ខណៈមកដល់ចំណុចកើតហេតុ ក៏បានជ្រុលទៅបុកពីក្រោយរថយន្តដឹកដីពេញទំហឹងបណ្តាលឲ្យអ្នកបើកម៉ូតូនិងអ្នករួមដំណើរស្លាប់ទាំង២នាក់។
បន្ទាប់ពីកើតហេតុ សមត្ថកិច្ចមូលដ្ឋាន និងសមត្ថកិច្ចជំនាញចរាចរណ៍បានសហការគ្នាចុះមកវាស់វែងយកម៉ូតូនិងរថយន្តទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយ និងបានធ្វើកំណត់ហេតុប្រគល់សពជូនក្រុមគ្រួសារធ្វើបុណ្យតាមប្រពៃណី ៕ ជ្រោយពេជ្រ
