ភ្នំពេញ៖ ស្ត្រីម្នាក់ត្រូវបានដេកស្លាប់នៅក្នុងផ្ទះខ្លួនឯងដែលគេសង្ស័យថាខ្យល់គ បន្ទាប់ពីបងប្អូនទៅដាស់ កាលពីវេលាម៉ោង១១ និង៥០នាទី ថ្ងៃទី៣១ ខែមករា ឆ្នាំ២០១៦ ស្ថិតនៅក្នុងភូមិស្រែតេជះ សង្កាត់សំរោងក្រោម ខណ្ឌពោធិ៍សែនជ័យ បង្កអោយមានការភ្ញាក់ផ្អើលដល់ប្រជាពលរដ្ឋនិងរាយការណ៍ទៅសមត្ថកិច្ចមូលដ្ឋានដើម្បីចុះមកអន្តរាគមន៍ភ្លាមៗ។

ជនរងគ្រោះស្លាប់ដោយសារខ្យល់គមានឈ្មោះ ជិន ចន្ថា ភេទស្រី​ អាយុ៤៤ឆ្នាំ មុខរបរ កសិករ រស់នៅភូមិកើតហេតុខាងលើ។

តាមប្រភព័ត៌មានពីសាច់ញាតិបានឱ្យដឹងថា មុនមានការភ្ញាក់ផ្អើលជនរងគ្រោះបានប្រាប់ឱ្យដឹងដែរថា រូបគេមិនស្រួលខ្លួនហើយក៏ដេកតាំងពីព្រឹកមកម្លេះ រហូតដល់វេលាខាងលើ មិនឃើញជនរងគ្រោះគ្រោកភ្ញាក់ហូបបាយថ្ងៃត្រង់ ក៏ទៅដាស់ហៅ ស្រាប់តែស្លាប់បាត់ទៅហើយ​ ទើបផ្អើលឆោរឡោឡើង និងរាយការណ៍ប្រាប់អាជ្ញាធរនិងសមត្ថកិច្ចឱ្យជួយពិនិត្យមើល ។

បើតាមនគរបាលជំនាញរបស់ខណ្ឌពោធិ៍សែនជ័យបានឱ្យដឹងថា ជនរងគ្រោះស្លាប់ដោយសារខ្យល់គ ក្រោយកោសល្យវិច្ច័យរួច ហើយបានប្រគល់សពឱ្យទៅក្រុមគ្រួសាររៀបចំធ្វើបុណ្យតាមប្រពៃណី៕

ដោយ៖ សុខាសែនជ័យ