ភ្នំពេញ៖ គេហទំព័រផ្លូវការរបស់អគ្គ នាយកនៃអគ្គនាយកដ្ឋានអប់រំកាយ និង កីឡាបានបង្ហោះនូវលិខិតអនុញ្ញាតរបស់ប្រមុខរាជរដ្ឋាភិបាលកម្ពុជាឱ្យក្រសួង អប់រំយុវជននិងកីឡារៀបចំព្រឹត្ដិការណ៍ ប្រកួតល្បែងកីឡាជាតិឬហៅថា (Nati-onal Game២០១៦) កាលពីព្រឹកថ្ងៃទី២ ខែកុម្ភៈ ឆ្នាំ២០១៦ ។
គេហទំព័របានឱ្យដឹងថា សម្ដេចអគ្គ មហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុ ជាបានចំណារឯកភាពជាគោលការណ៍ ដ៏ខ្ពង់ខ្ពស់បំផុតកាលពីថ្ងៃទី២០ ខែសីហា ឆ្នាំ២០១៥អនុញ្ញាតឱ្យក្រសួងអប់រំយុវ ជន និងកីឡារៀបចំការប្រកួតល្បែង កីឡាជាតិ (National Game) រយៈ ពេល២ឆ្នាំម្ដងដោយដំណើរការចាប់ពី ឆ្នាំ២០១៦នេះតទៅ ។
ប្រភពព័ត៌មានខាងលើបានបន្ដទៀតថា កាលពីថ្ងៃទី១ ខែកុម្ភៈ ឆ្នាំ២០១៦ទីស្ដី ការគណ:រដ្ឋមន្ដ្រីបានចេញលិខិតលេខ ១៣០សជណ.អវមកក្រសួងអប់រំយុវជននិងកីឡាដើម្បីបានចាប់ផ្ដើមដំណើរការ កិច្ចការពាក់ព័ន្ធនានារបស់ខ្លួន ។ ដោយ កន្លងទៅក្រសួងអប់រំយុវជននិងកីឡា បានពិភាក្សាគ្នាជាមួយគណៈកម្មធិការ ជាតិអូឡាំពិកកម្ពុជាយ៉ាងល្អិតល្អន់និង បានកំណត់ថាឆ្នាំ២០១៦គឺការប្រកួត ល្បែងកីឡាជាតិនឹងប្រព្រឹត្ដទៅនៅថ្ងៃទី ២៨ ខែតុលាដល់ថ្ងៃទី៥ ខែវិច្ឆិកា ឆ្នាំ ២០១៦ ។
លិខិតដដែលនេះបានបញ្ជាក់ថា ចំណែកឯថវិកាសម្រាប់ការប្រកួត ល្បែងកីឡាជាតិក្រសួងត្រូវបង្វែរពីការ ផ្អាកការប្រកួតជើងឯកទូទាំងប្រទេស ចំនួន៤ប្រភេទកីឡាប្រចាំឆ្នាំមានដូចជា កីឡាបាល់ទាត់ កីឡាបាល់ទះ កីឡាបាល់ បោះ និងកីឡាអត្ដពលកម្មរួមផ្សំជាមួយ ការស្វែងរកការគាំទ្រថវិកាពីដៃគូក្រុមហ៊ុនឯកជនដែលសហការជាមួយគណៈ កម្មាធិការជាតិអូឡាំពិកកម្ពុជាបំពេញបន្ថែម ៕
ដោយ៖ សារីម
