ភ្នំពេញ៖ សហព័ន្ធកីឡាបាល់ទះ កម្ពុជាបានត្រៀមរៀបចំព្រឹត្ដិការណ៍ ប្រកួតធំៗចំនួន៤និងបើកវគ្គសិក្សាអាជ្ញា កណ្ដាលកម្រិតជាតិចំនួន១លើកក្នុងឆ្នាំ២០១៦នេះសម្រាប់បម្រើដល់សកម្ម ភាពប្រកួតនានារបស់ខ្លួនដើម្បីបាញ់ ឆ្ពោះទៅឆ្នាំ២០២៣ដែលកម្ពុជាទទួល បានសិទ្ធិរៀបចំការប្រកួតកីឡាអាស៊ី អាគ្នេយ៍លើកទី៣២នាពេលខាងមុខនេះ។
លោក បឹង គឹមតោ អគ្គលេខាធិការ សហព័ន្ធកីឡាបាល់ទះកម្ពុជាបានឱ្យដឹង ថា ចំពោះផែនការអភិវឌ្ឍន៍វិស័យ កីឡាបាល់ទះសហព័ន្ធនិងរៀបចំព្រឹត្ដិ ការណ៍ប្រកួតធំៗចំនួន៤គឺ ទី១-ប្រកួត ជើងឯកថ្នាក់ជាតិ, ទី២-ចូលរួមប្រកួត ល្បែងកីឡាជាតិ, ទី៣-ប្រកួតដណ្ដើម ពានរង្វាន់ស្រាបៀរលីអូ និងទី៤-ប្រកួត ដណ្ដើមពានរង្វាន់ស្រាបៀរអាន់ឆឺរ ហើយក៏គ្រោងបើកវគ្គបណ្ដុះបណ្ដាល អាជ្ញាកណ្ដាលថ្នាក់ជាតិផងដែរ ។
លោកអគ្គលេខានិការសហពន្ធ័បាន បន្ដទៀតថា តាមការសង្កេតនាពេល កន្លងទៅក្លិបកីឡាបាល់ទះធំៗក្នុងប្រទេស ពួកគាត់តែងតែបញ្ជូនប្រតិភូរបស់ខ្លួនចុះទៅស្រាវជ្រាវរកធនធានកីឡាករ ឆ្នើមជាមួយគណៈកម្មការរបស់សហ ព័ន្ធជានិច្ចប្រសិនបើពួកគាត់មើល ឃើញថាយុវជនណាម្នាក់មានលក្ខណ សម្បត្ដិគ្រប់គ្រាន់សម្រាប់លេងកីឡា បាល់ទះហើយនោះពួកគាត់តែងតែធ្វើ ទំនាក់ទំនងស្នើសុំទៅអាណាព្យាបាល របស់កីឡាករផ្ទាល់ដែលរស់នៅតាម បណ្ដាខេត្ដក្រុងឆ្ងាយៗដើម្បីនាំយកមក បណ្ដុះបណ្ដាលឱ្យក្លាយទៅជាកីឡាករ អាជីពតែម្ដង ។
អគ្គលេខាធិការរូបនេះបានបន្ដទៀតថា ទន្ទឹមនឹងផែនការសកម្មភាពប្រចាំ ឆ្នាំខាងលើសហព័ន្ធកំពុងត្រៀមបើក វគ្គបណ្ដុះបណ្ដាលអាជ្ញាកណ្ដាលថ្នាក់ ជាតិបន្ថែមទៀតដើម្បីអភិវឌ្ឍធនធាន មនុស្សសម្រាប់បម្រើដល់ការប្រកួត នានារបស់សហព័ន្ធឱ្យស្របតាមផែន ការអភិវឌ្ឍន៍ក្រសួងអប់រំយុវជន និង កីឡាដែលបានដាក់ចេញ។ ចំពោះបញ្ហា អាជ្ញាកណ្ដាលវិញសហព័ន្ធទើបតែមាន អាជ្ញាកណ្ដាលកម្រិតអន្ដរជាតិតែម្នាក់ គត់រហូតមកដល់ពេលនេះដែលវាជា បញ្ហាប្រឈមមួយហើយវាក៏ពាក់ព័ន្ធ ជាមួយចំណេះដឹងផ្នែកភាសាបរទេស ពីព្រោះអាជ្ញាកណ្ដាលរបស់យើងភាគ ច្រើនពួកគាត់មិនចេះភាសាអង់គ្លេសទេដូច្នេះធ្វើឱ្យពួកគាត់ពិបាកក្នុងការសិក្សា ស្រាវជ្រាវឯកសារនានារបស់សហព័ន្ធកីឡាបាល់ទះអន្ដរជាតិមិនទាន់អាចឆ្លើយតបតាមតម្រូវការចាំបាច់បស់សហព័ន្ធកីឡាបាល់ទះកម្ពុជានៅឡើយ ។
លោកបឹងកឹមតោបានសម្ដែងនូវ ក្ដីសង្ឃឹមយ៉ាងមុតមាំថា ចំពោះការ ប្រកួតបាល់ទះក្នុងឆ្នាំ២០១៦គ្រប់ក្លិប ទាំងអស់នឹងគោរពតាមបទបញ្ជាការ ប្រកួតជៀសវាងការតវ៉ាច្រើនដូចឆ្នាំ កន្លងទៅ ក្នុងនោះថ្នាក់ដឹកនាំក្លិបមួយ ចំនួនបានតវ៉ាពាក់ព័ន្ធរឿងដោះដូរកីឡាករមិនប្រក្រតីពីក្លិបមួយទៅក្លិបមួយ ទៀតអំឡុងពេលប្រកួតក្នុងព្រឹត្ដិការណ៍ តែមួយ។ដូច្នេះធ្វើឱ្យប៉ះពាល់ដល់បទ បញ្ជាការប្រកួតដោយបានសរសេរយ៉ាងច្បាស់ថាមិនអនុញ្ញាតឱ្យក្រុមណាមួយ ធ្វើការដោះដូរកីឡាករដែលមានឈ្មោះចូលរួមប្រកួតជាមួយក្លិបផ្សេងរួចហើយប្ដូរមកលេងឱ្យក្លិបមួយទៀតក្នុងព្រឹត្ដិ ការណ៍តែមួយនោះទេ ។
គួររំលឹកថាបើយោងតាមកម្មវិធី របស់សហព័ន្ធកីឡាបាល់ទះកម្ពុជា សម្រាប់ទិសដៅអភិវឌ្ឃន៍ឆ្ពោះទៅស៊ី ហ្គេមឆ្នាំ២០២៣នឹងចាបដំណើរការ ប្រកួតពីថ្ងៃទី២៣ ខែកុម្ភៈ ឆ្នាំ២០១៦នេះ តទៅហើយ ៕
ដោយ៖ សារីម
