ភ្នំពេញ៖ លោកឧត្តមសេនីយ៍ឯក ស ថេត អគ្គស្នងការរង នគរបាលជាតិ និងជាស្នងការនគរបាលរាជធានីភ្នំពេញ បានថ្លែងថា៖ សមត្ថកិច្ចនៃអធិការដ្ឋាននគរបាលខណ្ឌទាំង១៤ និងប៉ុស្តិ៍នគរបាលរដ្ឋបាលទាំង១០៥ ចំណុះស្នងការដ្ឋាននគរបាលរាជធានីភ្នំពេញ ត្រូវតែប្រចាំការ ២៤ម៉/២៤ម៉ ដេីម្បីផ្តល់សេវា ដោះស្រាយបញ្ហា និងទទួលពាក្យបណ្តឹងពីប្រជាពលរដ្ឋ ។
ករណីមិនមានមន្ត្រីប្រចាំការ ឬមិនទទួលពាក្យបណ្តឹង សូមទំនាក់ទំនងលេខទូរស័ព្ទ ០៦៩ ៥១៦ ៩៩៩។
លោកក្រើនរំឮកថា៖ លោកតែងតែណែនាំដល់មន្ត្រីក្រោមឱវាទទាំងអស់ថា“ក្នុងនាមជាមន្ត្រីត្រូវតែបម្រេីសេវាសាធារណ:ជូនប្រជាពលរដ្ឋឲ្យបានឆាប់រហ័ស ជាមួយនឹងអាកប្បកិរិយាសមរម្យ និងសំដីទន់ភ្លន់ជានិច្ច“ ។ មន្ត្រីគ្រប់រូបត្រូវបានយកចិត្តទុកដាក់ពី ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ។
លោកស្នងការ សូមឱ្យមន្ត្រីចូលរួមបង្ការ និងទប់ស្កាត់ការឆ្លងរាលដាលវីរុសកូវីដ១៩ តាមការណែនាំរបស់ក្រសួងសុខាភិបាល ដោយពាក់ម៉ាស់ឲ្យបានត្រឹមត្រូវ ជាពិសេសលាងដៃជាមួយជែល និងសាប៊ូឲ្យបានជាប្រចាំ និងសូមបេីកបរដោយប្រុងប្រយ័ត្ន និងគោរពច្បាប់ចរាចរណ៍ឲ្យបានគ្រប់ៗគ្នា។
លោកអះអាងថា៖ មិនទុកឱ្យមន្ត្រីនគរបាលណាម្នាក់ឯកកោ ដោយគ្មានការយកចិត្តទុកពីលោកឡើយ៕
ដោយ៖ សុខ ខេមរា
