ភ្នំពេញ៖ នៅព្រឹកថ្ងៃទី០៦ ខែកុម្ភៈ ឆ្នាំ២០១៦នេះ ក្រុមអ្នកអតីតតៃកុងឡានកាពីតូល បានផ្ទុះហិង្សាជាមួយនឹងភាគីម្ខាងទៀត កាន់តែខ្លាំងឡើងជាងម្សិលមិញទៀត។

ក្រុមអតីតដៃតៃកុងឡានរបស់កាពីតូលបានផ្ទុះហិង្សាជាមួយភាគីខាងក្រុមហ៊ុនកាពីតូលដោយវាយតប់គ្នាយ៉ាងសាហាវ ក៏ត្រូវបានសមត្ថកិច្ចខណ្ឌ៧មករាធ្វើការអន្តរាគមន៍ ដេញខាងភាគីបំបែកតែនៅតែមិនព្រមចេញទេ នៅតែប្រឈរមុខដាក់គ្នារហូតដល់វេលាមោ៉ង១១ថ្ងៃដដែលបានបំបែកបានទាំងស្រុង។សមត្ថកិច្ចឃាត់ខ្លួនអតីតតៃកុងឡានបាន២នាក់ ១ឈ្មោះ ណន វណ្ណា ៣៩ឆ្នាំ ទី២ឈ្មោះ រស់ សីុថៃ អាយុ ៣៥ ឆ្នាំ យកទៅប៉ុស្តិ៍នគរបាលបឹងព្រលិត។

បច្ចុប្បន្នអតីតតៃកុងឡានបាន២នាក់រួមវុត្ថតាងខាងលើនេះត្រូវប៉ុស្តិ៍នគរបាលបឹងព្រលិតបញ្ចូនទៅឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករាដើម្បីកសាងសំណុំរឿង បញ្ជូនខ្លួនទៅតុលាការចាត់ការតាមនីតិវិធីច្បាប់។