ភ្នំពេញៈ រថយន្តហាយឡែនឌ័រមួយគ្រឿងបើកក្នុងល្បឿនលឿនមិនប្រយ័ត្នបានជ្រុលទៅបុករះម៉ូតូនិងរថយន្តចំនួន៣គ្រឿងពីក្រោយបណ្ដាលឲ្យរងការខូចខាត ហើយរថយន្តបង្កបានជ្រុលទៅបុកនិងដំុថ្មដ៏ធំមួយទើបមិនបន្តទៅមុខរួច។ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១២និង១០នាទីថ្ងៃត្រង់ ថ្ងៃទី៦ ខែកុម្ភះ ឆ្នាំ២០១៦ ទល់មុខរោចក្រ កិនស្រូវ តាមបណ្ដោយផ្លូវ២១៧ ស្ថិតក្នុងសង្កាត់ស្ពានថ្ម ខណ្ឌដង្កោ។
បើតាមសម្ដីប្រជាពលរដ្ឋដែលនៅកន្លែងកើតហេតុបានប្រាប់ឲ្យដឹងថា នៅមុខពេលកើតគេបានឃើញរថយន្តហាយឡែនឌ័រ ពណ៌ទឹកប្រាក់ មិនមានស្លាកលេខ បានធ្វើដំណើរតាមដងផ្លូវ២១៧ ទិសដៅពីជើងទៅត្បួងក្នុងល្បឿនលឿន ខណះមកដល់ចំណុចកើតហេតុក៏ស្រាប់តែ មកបុកម៉ូតូ៣គ្រឿងពីក្រោយបណ្ដាលដួលផ្ទុបទៅនិងថ្នល់ តែសំណាងល្អមិនបណ្ដាលឲ្យមានអ្នករបួសធ្ងន់ធ្ងរ
ហើយរថយន្តបង្កបានបន្តទៅបុករថយន្តកូរ៉ូឡាមួយគ្រឿងទៀតពីក្រោយ បណ្ដាលឲ្យរងការខូចខាត ដោយឡែករថយន្តបង្កនោះបានទៅបុកនិងដំុថ្មដ៏ធំមួយបណ្ដាលឲ្យគាប់ជាប់នៅនិងកន្លែងកើតហេតុតែម្ដង។
ក្រោយកើតហេតុទាំងរថយន្តបង្កនិងរថយន្តរួមទាំងម៉ូតូរងគ្រោះត្រូវបានសមត្ថកិច្ចជំនាញចរាចរណ៍ចុះធ្វើការវាស់វែងនិងយកទៅរក្សាទុកនៅអធិការដ្ឋាននគរបាលខណ្ឌដង្កោ រងចាំដោះស្រាយតាមនីតិវិធី។
សូមបញ្ចាក់ថាៈម៉ូតូនិងរថយន្តដែលរងការខូចខាតរួមមាន៖ម៉ូតូម៉ាកស៊ុយសុគីឡែត ម៉ូតូម៉ាកហង់ដាគុបជ្រុង រថយន្តម៉ាកកូរ៉ូឡា និងរថយន្តបង្កម៉ាកហាយឡែនឌ័រ ៕ដោយ៖ជីម ភារ៉ា ដង្កោ