ភ្នំពេញៈ ក្នុងបុរីពិភពថ្មីពោរពេញទៅដោយសំបុកចោរហារយ បើទោះជាខាងក្រុមហ៊ុនបង្កើនសន្តិសុខសម្រាប់ការពារសន្តិសុខ សុវត្ថិភាពក៏ដោយក៏នៅតែកើតមានស្ទើរមិនលោះថ្ងៃ ។ អ្នកភូមិនិយាយបែបនេះកាលពីព្រឹកថ្ងៃទី៧ ខែកុម្ភះ ឆ្នាំ២០១៦ ជជែកវែកញែកផ្កាដៃផ្កាជើង និងរិះគន់មកលើម្ចាស់បុរីពិភពថ្មីថាៈ ខ្វះការទទួលខុសត្រូវលើការគ្រប់គ្រងបុរីដែលប្រជាពលរដ្ឋទិញរស់នៅ ផ្ទុយស្រឡះរឿងធានាសន្តិសុខ ហើយសំបូរបែបដោយចោរហារយទៅវិញ?
ប្រជាពលរដ្ឋបាននិយាយថា នាវេលាម៉ោង៨យប់ថ្ងៃទី៦ ខែកុម្ភះ ឆ្នាំ២០១៦ នៅក្នុងបុរីពិភពថ្មីផ្សារបឹងឈូក ឋិតក្នុងភូមិគោកឃ្លៀង សង្កាត់ភ្នំពេញថ្មី ខណ្ឌសែនសុខ តាមបណ្តោយផ្លូវc មានកម្មវិធីបុណ្យសព ហើយមានភ្ញៀវមកចូលរួមបានចតឡានតាមបណ្តោយផ្លូវខាងលើនោះយ៉ាងច្រើន និងមានសន្តិសុខបុរីពិភពថ្មីនៅយាមការពារម្តុំសួនច្បារ តែក្រោយមកពេលភ្ញៀវចេញពីកម្មវិធីបុណ្យវិញ មានរថយន្តជាច្រើនត្រូវបានចោរលួចកាច់កញ្ចក់រថយន្តអស់ចំនួន៣ នឹងបកយកតែមពីរថយន្តចំនួន៤គ្រឿង ក្នុងនោះមានរថយន្តស្លាកនប របស់លោកផ្កាយ២ម្នាក់ បំរើការងារនៅអង្គភាពអគ្គនាយកដ្ឋាននគរបាលអន្តោប្រវេសន៍ផងដែរ ហួសចិត្តនិយាយមិនចេញ ដោយគ្រាន់តែបង្ហើរដោយពាក្យយ៉ាងខ្លីថាៈ «ចោរពិតជាព្រហើនមែន» ។