អន្តរជាតិ៖ ដូចពាក្យចាស់ពោលថា ស្លឹកឈឺជ្រុះមិនឆ្ងាយពីគល់មែន កាលពីពេលថ្មីៗនេះ ភរិយាតារាសម្ដែងថៃ Por Thridsadee Sahawong បានបង្ហោះរូបភាពកូនស្រីជាច្រើនសន្លឹក ធ្វើឲ្យអ្នកលេងបណ្ដាញសង្គមសរសើរពី កុមារី Mali ដែលនាងអាចសន្សំលុយបានយ៉ាងច្រើនទាំងលុយបាត និងលុយកាក់។ បើទោះបីម្ដាយឲ្យលុយចាយជាប្រចាំថ្ងៃយ៉ាងណាក៏ដោយ តែក្មេងស្រីរូបនេះ​មានចិត្តសន្សំលុយ មិនចង់ចាយខ្ជះខ្ជាយឡើយ ហើយលុយទាំងនោះ មើលទៅពិតជាច្រើនខ្លាំង តែភរិយាតារាប្រុសរូបនេះ មិនបានបញ្ជាក់ថាលុយនោះមានចំនួនប៉ុន្មាននោះទេ ។

គួរបញ្ជាក់ថា តារាសម្ដែង Por Thridsadee Sahawong បានទទួលមរណភាព កាលពីដើមឆ្នាំ២០១៦កន្លងទៅ ដោយសារតែជំងឺគ្រុនឈាមដំណាក់កាលធ្ងន់ធ្ងរ ដែលទុកឲ្យភរិយាមើលថែកូនស្រីតែម្នាក់ឯងផងដែរ។ បើទោះបី តារាប្រុសរូបនេះ បានស្លាប់ទៅហើយក៏ពិតមែន តែនៅតែមានអ្នកគាំទ្រចងចាំ ស្នាដៃការសម្ដែងរបស់លោកដដែល។

យ៉ាងណាមិញ បើងាកទៅមើលមុខមាត់កូនស្រី់ របស់តារារូបនេះ នាពេបច្ចុប្បន្នវិញ នាងកាន់តែធំពេញរូបពេញរាងជាងមុន ពីមួយឆ្នាំទៅមួយឆ្នាំ ជាពិសេស រូបសម្រស់ក៏ស្រស់ស្អាត គួរឲ្យក្នាញ់ថែមទៀតផង។ ម្យ៉ាងវិញទៀត ក្មេងស្រីរូបនេះក៏មានទេពកោសល្យផ្នែកសិល្បៈចេះរាំ និងសម្ដែងមិនចាញ់ឪពុកឡើយ ។ មិនតែប៉ុណ្ណោះកូនស្រី Por ក៏កំពុងទទួលបានការចាប់អារម្មណ៍ខ្លាំងពីមហាជនគ្រប់ទិសទី ហើយបច្ចុប្បន្ន ឃើញកុមារីរូបនេះ មានមុខនៅក្នុងកម្មវិធីទូរទស្សន៍ធំៗជាច្រើនផងដែរ ៕ដោយ៖ស តារា