ខេត្តបាត់ដំបង ៖ ដោយសារតែប្ដូរសរសៃបានធ្វើឱ្យបុរសម្នាក់ដែលជាបងថ្លៃបានស្លាប់ចំណែកតែប្អូនថ្លៃជាប់ខ្នោះនេះបើយោងតាមរបាយការណ៍របស់កម្លាំងសមត្ថកិច្ចស្រុកភ្នំព្រឹកបានអោយសារព័ត៌មានដឹងថានៅថ្ងៃទី១៧ ខែកញ្ញា ឆ្នាំ២០២០ វេលាម៉ោងប្រហែល២០៖០០នាទី នៅចំណុចក្រុមទី០២ ស្ថិតនៅភូមិដំណាក់បេង ឃុំបួរ ស្រុកភ្នំព្រឹក ខេត្តបាត់ដំបង មានករណីអំពើហឹង្សាលើមានស្ថានទម្ងន់ទោស ដោយប្រើអាវុធកាំបិតកាប់ទៅលើ ជនរងគ្រោះបណ្តាលឲ្យស្លាប់ ដែលបង្កឡើងដោយជនសង្ស័យម្នាក់ ឈ្មោះ ជុំ ភារម្យ ភេទប្រុស អាយុ២៧ឆ្នាំ រស់នៅភូមិ-ឃុំ កើតហេតុខាងលើ បានយកកាំបិតបុ័ងតោ កាប់ទៅលើជនរងគ្រោះ ឈ្មោះ ចាន់ ប៊ុនថន ភេទប្រុស អាយុ២៩ឆ្នាំ មានទីលំនៅភូមិ-ឃុំជាមួយគ្នា ចំនួន ០២កាំបិត ចំសៀតផ្កាខាងស្តាំ ចំនួន០១កាំបិត និងចំដើមទ្រូងចំនួន០១កាំបិត ។
សមត្ថកិច្ចបានបញ្ជាក់ប្រាប់ទៀតថាជនរងគ្រោះ ផឹកស្រាស្រវឹង ហើយវាយធ្វើបាបឪពុកបង្កើតរបស់ខ្លួន ទើបជនសង្ស័យដែលត្រូវជាប្អូនថ្លៃយកកាំបិតបុ័ងតោ កាប់ទៅលើជនរងគ្រោះដែលត្រូវជាបងថ្លៃ បណ្តាលអោយស្លាប់តែម្តងទៅ ។
បច្ចុប្បន្នជនសង្ស័យត្រូវបានសមត្ថកិច្ចប៉ុស្តិ៍នរបាលរដ្ឋបាលបួរឃាត់ខ្លួន និងកំពុងកសាងសំណុំរឿងចាត់ការបន្តតាមនីតិវិធីច្បាប់ ៕

ដោយ សសម