កីឡាករ ចាន់ វឌ្ឍនាកា និងកីឡាករិនី ហែម ថុនវិទិនី ទំនងក្លាយជាតួឯកសម្រាប់ជ័យលាភីប្រជាប្រិយ

ចែករំលែក៖

ភ្នំពេញ៖ តំណែងកីឡាករកីឡាករឆ្នើមប្រចាំឆ្នាំ២០១៥ ទំនងធ្លាក់ក្នុងដៃគូស្នេហ៍ផ្អែមល្ហែមវ័យក្មេង ស្ថិតក្នុងវិស័យកីឡាដូចគ្នា នោះគឺកីឡាករចាន់ វឌ្ឍនាកាស៊ុបភើស្តារបាល់ទាត់ តាមរយៈការបង្ហាញថ្វីជើងនៅលើសមរភូមិវាលស្មៅកំពុងស្ថិតនៅលំដាប់ជូរមុខជាបណ្តោះអាសន្នខណៈដែលគូរបស់ខ្លួន កីឡាការិនី ហែម ថុន វិទិនី ជាស៊ុបភើស្តារ ដែលមានសម្រស់ទាក់ទាញបេះកំឡោះៗ តាមរយៈវិញ្ញាសាហែលទឹករបស់ខ្លួន។

អត្តពលិកទាំង២នាក់ក្នុងចំណោម៥នាក់ ដែលបានដាក់ពាក្យចូលរួមប្រកួតប្រជែង ដណ្តើមពានរង្វាន់ កីឡាករ កីឡាការិនីមានប្រជាប្រិយភាពលើសគេប្រចាំឆ្នាំ២០១៥កន្លងទៅ ឬហៅថា (Award Atellate 2015) តាមរយៈការបោះឆ្នោត លើរូបថតនិង វីឌីអីឃ្លីបរបស់ពួកគេម្នាក់ៗ ដែលគេហទំព័រ ណាហ្គាវើល និងសប្បាយបងហោះឲ្យអ្នកគាំទ្រវិស័យកីឡា ក៏ដូចជាប្រជាពលរដ្ឋខ្មែរក្នុងនិងក្រៅប្រទេសបោះឆ្នោត ដោយគ្រាន់តែចុចពាក្យថា (Like)ហើយក៏អាច ចូលរួមផ្តល់មតិយោបលខ្លះៗលើរូបថតនិងវីឌីអូឃ្លីបរបស់អត្តពលិកណាម្នាក់ដែលអ្នកគិតថា មានប្រជាប្រិយភាពជាងគេក្នុងឆ្នាំ២០១៥តែប៉ុណ្ណោះ។

គិតត្រឹមព្រឹកថ្ងៃទី១១ខែកុម្ភៈឆ្នាំ២០១៦ រូបថតដែលគេហទំព័រណាហ្គាវើលបង្ហោះ បានទាក់ទាញចំណាបអារម្មណ៍បងប្អូនប្រជាពលរដ្ឋខ្មែរទាំងក្នុងនិងក្រៅប្រទេសជាខ្លាំង ក្នុងនោះរូបថតដែលគេហទំព័រនេះបានបង្ហោះ មានដូចជាកីឡាករ ប្រាក់ មន្នីឧត្តម កីឡាករ ចាន់ វឌ្ឍនាកា កីឡាការិនី សំ ថារ័ត្ន កីឡាការិនី ហែម ថុនវិទិនី កីឡាការិនី ស៊ន សៀវម៉ី។ប៉ុន្តែកីឡាករ កីឡាការិនីដែលមានស្នាដៃដណ្តើមបានជ័យលាភី មេដាយពីព្រឹត្តិកាណ៍អន្តរជាតិដទៃទៀតពុំទាន់ឃើញ គេហទំព័រមួយនេះបង្ហោះរូបថតនិង វីឌីអូឃ្លីបនៅឡើយ។

រូបថតដែលទទួលបានការគាំទ្រច្រើនជាងគេបណ្តោះអាសន្ន ដែលមិនធ្លាប់ទទួលបានមេដាយអ្វីពីលើកឆាកអន្តរជាតិ ប៉ុន្តែពួកគេទទួលបានការគាំទ្រពីប្រិយមិត្តរបស់ខ្លួននៅក្នុងស្រុក និងជាគូស្នេហ៍ដ៏ផ្អែមល្ហែមនឹងគ្នានោះគឺ ចាន់ វឌ្ឍនាកា និង ហែម ថុនវិទិនី។

កីឡាករ ចាន់ វឌ្ឍនាកាទទួលបានការចុចLikeគាំទ្រ ចំនួន៦,២២៦នាក់ ចែករំលែកឬ(shares)ចំនួន៣៤៩លើក និងផ្តលមតិឬ(comments)ចំនួន១៧៤នាក់ស្មើ៦,២K ចំណែកឯគួស្នេហ៍របស់គេកីឡាការិនី ហែម ថុនវិទិនី ទទួលបានប្រិយមិត្តចុចLikeគាំទ្រ ចំនួន៤,៣៩៦នាក់ ចែករំលែកចំនួន៣១២លើកនិងផ្តលមតិ១៦៧នាក់ស្មើ៤,៤K គិតត្រឹមព្រឹកថ្ងៃទី១១ខែកុម្ភៈឆ្នាំ២០១៦។

កីឡាការិនី ស៊ន សៀវម៉ី ម្ចាស់មេដាយមាស កីឡាតេក្វាន់ដូ អាស៊ី ទទួលបានការគាំទ្រដោយចុចLike ចំនួន៣២៨៦នាក់ ចែករំលែក៣១១លើក ផ្តលមតិ៨០នាក់ស្មើ៣,២K កីឡាការិនី សំ ថារ័ត្ន ទទួលបានការគាំទ្រចុចLike ១,៣៨៤នាក់ ចែលរំលែក១០១លើកផ្តលមតិ៤៧នាក់ស្មើ១,៣K និងកីឡាករ ប្រាក់ មន្នីឧត្តម ទទួលបានការចុចLike ២៤២៦នាក់ ចែករំលែក១២២លើក ផ្តលមតិ៤៩នាក់ស្មើ២,៤K គិតត្រឹមព្រឹកថ្ងៃទី១១ខែកុម្ភៈឆ្នា២០១៦។

គួររំលឹកថា ការបោះឆ្នោតគាំទ្រនេះ សម្រាប់តែកីឡាករកីឡាការិនី ដែលដណ្តើមពានរង្វាន់ផ្នែកប្រជាប្រិយភាពប្រចាំឆ្នាំ២០១៥ប៉ុណ្ណោះ។ ដោយឡែកលទ្ធផលនៃពានរង្វាន់កីឡាករកីឡាការិនីឆ្នើម ដែលដណ្តើមមេដាយមាសនៅលើកឆាកអន្តរជាតិក្នុងឆ្នាំ២០១៥ មិនទាន់ដឹងនោះទេ ៕

rimsa (3)