ខ្សែបម្រើប្រយុទ្ធសញ្ជាតិអាល្លឺម៉ង់ Thomas Muller បានក្លាយជាកីឡាករដំបូងគេដែលឈ្នះពានច្រើនជាងគេក្នុងប្រវត្តិសាស្ត្របាល់ទាត់របស់អាល្លឺម៉ង់ ក្រោយពីក្លិប Bayern Munich បំបាក់ក្លិប BorussiaDortmund ក្នុងពាន Super Cup អាល្លឺម៉ង់កាលពីសប្តាហ៍មុន។
កីឡាកររូបនេះបានឈ្នះពានសរុប២៧ពាន ខណៈកំណត់ត្រាចាស់កាន់ដោយអតីតកីឡាករ Bayern Munich ដូចគ្នាគឺលោក Bastian Schweinsteiger ដែលឈ្នះពានសរុប២៦ ហើយបច្ចុប្បន្នគាត់បានចូលនិវត្តន៍ទៅហើយ។
Thomas Muller ដែលមានវ័យ៣១ឆ្នាំហើយបានចំណាយពេញមួយអាជីពបាល់ទាត់ជាង ១២ឆ្នាំនៅក្លិបយក្សអាល្លឺម៉ង់Bayern Munich។ចំណោមពានទាំង២៧របស់គេនោះគឺពានលីគកំពូលអាល្លឺម៉ង់ Bundesliga មាន៩ដង, ពាន FA អាល្លឺម៉ង់៦ដង, ពាន Super Cup អាល្លឺម៉ង់៦ដង, ពាន Champions League និង UEFA Super Cup ២ដង, ពាន World Cup ក៏ដូចជា Club World Cup ១ដង។
ឆ្នាំ២០២០នេះ ជាឆ្នាំមាសរបស់ Bayern Munich ដោយក្លិបមួយនេះបានឈ្នះពានរហូតដល់ទៅ៥សម្រាប់ពេលតែមួយឆ្នាំដែលជាប្រវត្តិសាស្ត្ររបស់ក្លិបក្នុងការឈ្នះពានច្រើនជាងគេក្នុងមួយរដូវកាល ៕ដោយ៖ភារៈ
