ខេត្ដព្រះសីហនុ៖ នគរបាលការិយា ល័យទេសចរណ៍នៃស្នងការដ្ឋាននគរបាល ខេត្ដព្រះសីហនុបានឃាត់ខ្លួនជនបរទេស ២នាក់ដែលម្នាក់គ្មានលិខិតឆ្លងដែននិង ម្នាក់ទៀតកាន់លិខិតឆ្លងដែនផុតសុពល ភាព ។ ការឃាត់ខ្លួនជនបរទេសខាងលើ នេះសមត្ថកិច្ចនគរបាលទេសចរណ៍បាន ធ្វើឡើងកាលពីល្ងាចថ្ងៃទី១២ ខែកុម្ភៈ ឆ្នាំ២០១៦ នៅចំណុចឆ្នេរអូរឈើទាល ស្ថិតក្នុងក្រុមទី១៧ ភូមិ៤ សង្កាត់លេខ៤ ក្រុង-ខេត្ដព្រះសីហនុ ។
ជនបរទេសទាំង២នាក់នេះបន្ទាប់ពី សមត្ថកិច្ចនគរបាលទេសចរឃាត់ខ្លួន បានបញ្ជូនទៅឱ្យនគរបាលការិយាល័យ អន្ដោប្រវេសន៍នៃស្នងការដ្ឋាននគរបាល ខេត្ដព្រះសីហនុ ដើម្បីចាត់ការបន្ដ ។
មន្ដ្រីនគរបាលការិយាល័យអន្ដោ ប្រវេសន៍បានឱ្យដឹងថា ជនបរទេសដែល ត្រូវបានឃាត់ខ្លួនទី១-ឈ្មោះ* Fomin Sergie ភេទប្រុស អាយុ៥៨ឆ្នាំ ជនជាតិ រុស្ស៊ី កាន់លិខិតឆ្លងដែនលេខ៧១៣១៦១ ១៨៩ ផុតសុពលភាពថ្ងៃទី១ ខែកុម្ភៈ ឆ្នាំ ២០២១ (ពីបទស្នាក់នៅលើសទិដ្ឋាការ កំណត់តាំងពីថ្ងៃទី៦ ខែកក្កដា ឆ្នាំ២០១៥) និងទី២-ឈ្មោះ Ronald Lueddere ភេទ ប្រុស អាយុ៣៧ឆ្នាំ ជនជាតិអាមេរិក (ពី បទស្នាក់នៅគ្មានលិខិតឆ្លងដែន) ។
នគរបាលបានបញ្ជាក់ថា ជនជាតិ អាមេរិកាំងរូបនេះមិនត្រឹមតែស្នាក់នៅ គ្មានលិខិតឆ្លងដែនប៉ុណ្ណោះទេ តែនៅ បានបង្កអំពើហិង្សាឱ្យមានភាពះអនាធិប តេយ្យ ដើរអុកឡុកតាមភោជនីយដ្ឋាន និងផ្ទះសំណាក់មួយចំនួនទៀតនៅតាម ឆ្នេរអូរឈើទាលទៀតផង ។
មន្ដ្រីដដែលបានបន្ថែមថា ជនបរ ទេសទាំង២នាក់ខាងលើនេះនិងត្រូវបញ្ជូន ទៅនាយកដ្ឋានអន្ដោប្រវេសន៍នៃក្រសួង មហាផ្ទៃដើម្បីបន្ដនីតិវិធី ៕
ដោយ៖ ឆ្លាមសមុទ្រ
