ភ្នំពេញ៖ ហេតុការណ៍មួយបង្កអោយមានការភ្ញាក់ផ្អើលបន្ទាប់ពីមានរថយន្តមួយគ្រឿងបើកវ៉ារថយន្តមួយគ្រឿងទៀតមិនរួចតែពេលព្យាយាមវ៉ារួចបានប្រមាណ២០០ម៉ែត្រក៏ត្រឡបក្បាលមកវិញហើយដកកាំភ្លើងបាញ់មួយគ្រាប់សំដៅកង់រថយន្តដែលគេវ៉ាតែសំណាងមិនត្រូវហើយបានបើកគេចខ្លួនបាត់ស្រមោល។
ហេតុការណ៍នេះបានកើតឡើងកាលពីវេលាម៉ោង២១និង៣០នាទីយប់ ថ្ងៃទី ១២ខែគុម្ភះ ឆ្នាំ២០១៦ នៅមុខវត្តជម្ពូវ័ន តាមបណ្តយផ្លូវជាតិលេខ៤ ភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ។
តាមសំដីជនរងគ្រោះបានអោយដឹងថា នៅមុនពេលកើតហេតុរួបគាត់បានបើករថយន្តកាមរីបាឡែនមួយគ្រឿងនិងមានប្រពន្ធកូនរួមដំណើរជាមួយផងដោយធ្វើដំណើរតាមបណ្តោយផ្លូវអូមឌឹមក្នុងទិសដៅពីលិចទៅកើតភ្លាមនោះក៏មានរថយន្តកាមរីមួយ្រគ្រឿងទៀតធ្វើដំណើរមកពីក្រោយក្នុងស្ថានភាពស្រវឹងនិងរ៉េពេញផ្លូវ។ បន្ទាបមករថយន្តនោះក៏ព្យាយាមបើកវ៉ារថយន្តគាត់តែមិនផុតលុះមកដល់កែងផ្លូវជាតិលេខ៤រថយន្តនោះក៏បានវ៉ាផុតរហូតមកដល់ចំណុចមុខវត្តជម្ពូវ័នរថយន្តកាមរីនោះបានត្រឡប់ក្បាលមកក្រោយវិញហើយដកកាំភ្លើងបាញ់មួយគ្រាប់សំដៅកង់រថយន្តរបស់គាត់តែមិនត្រូវរួចបើករថយន្តគេចខ្លួនបាត់ទៅ។ សាក្សីដដែលបានបន្តថាភ្លាមនោះគាត់បានបើករថយន្តដេញតាមពីក្រោយរហូតទៅដល់ផ្លូវរទះភ្លើងសង្កាត់សំរោងក្រោមក៏បាត់តែម្តង។
ក្រោយពេលកើតហេតុជនរងគ្រោះបានមកដាក់ពាក្យបណ្តឹងនៅទីស្នាក់ការនគរបាលប៉ុស្តិ៍ចោមចៅដើម្បីអោយសមត្ថកិច្ចជួយអនតរាគមន៍តាមចាប់ជនសង្ស័យមកដាក់ទោសតាមផ្លូវច្បាប់៕
ដោយ៖ សុខាសែនជ័យ
