ខេត្តកំពង់ស្ពឺៈ ក្រុមអ្នកញៀនល្បែងស៊ីសងក្នុងវង់សង្វៀនបញ្ជល់មាន់ស្ថិតនៅចំណុចស្វាយអាត់ ក្នុងភូមិពោធិ៍មាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ បាននាំគ្នារត់យ៉ាងប្រសេចប្រសាច ម្នាក់ៗភ័យស្លន់ស្លោ មិនដឹងព្រលឹងចេញដល់ណានោះទេ ព្យាយាមគេចពីរង្វង់សមត្ថកិច្ចកម្លាំងនគរបាលស្រុកឱរ៉ាល់កាលពីវេលាម៉ោង១និង៣០នាទីរសៀលថ្ងៃទី១២ ខែកុម្ភៈ ឆ្នាំ២០១៦ ។
សមត្ថកិច្ចកម្លាំងនគរបាលខេត្តកំពង់ស្ពឺបានប្រាប់ “នគរដ្រេហ្គន” ឲ្យដឹងថា ភ្លាមៗនោះកម្លាំងបានឃាត់អ្នកញៀនល្បែងចំនួន៣នាក់ និងចាប់យកវត្ថុតាងក្នុងវង់ល្បែងរួមមាន ម៉ូតូចំនួន៦គ្រឿង ដែលម្ចាស់រត់គេចខ្លួនបន្សល់ទុកនៅកន្លែងកើតហេតុ មាន់៦ក្បាល ជញ្ជីងថ្លឹងសម្រាប់ប្រកួតចំនួន១ យកទៅរក្សាទុកនៅអធិការដ្ឋាននគរបាលស្រុកឱរ៉ាល់៕
...
ដោយ៖ សុខ ខេមរា
