ភ្នំពេញៈ លោកជំទាវឃួន សុដារី អនុប្រធានកាកបាទក្រហមកម្ពុជា តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានទទួលជួបសវនាការ និងបំពាក់គ្រឿងឥស្សរិយយសជូន លោកស្រី អាន អេលីសាប៊ែត ឡឺឃ្លែ (Anne Elisabeth LECLERC) ប្រធានក្រុមគាំទ្រកម្រងប្រទេសរបស់សហព័ន្ធអន្តរជាតិនៃសមាគមកាកបាទក្រហម អឌ្ឍចន្ទក្រហម ប្រចាំទីក្រុងបាងកក នៅព្រឹកថ្ងៃទី ១៥ ខែ កុម្ភៈ ឆ្នាំ ២០១៦ នេះ នាទីស្នាក់ការកណ្តាលកាកបាទក្រហមកម្ពុជា។

“គ្រឿងឥស្សរិយយស សហមេត្រី ថ្នាក់ មហាសេនា” ដែលប្រោសព្រះរាជប្រទានពី ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជូនចំពោះ លោកស្រី គឺជាសក្ខីភាពបញ្ជាក់ពីការទទួលស្គាល់នូវស្នាដៃ នៃការចូលរួមចំណែក និងរាល់សមិទ្ធផលនានាជាច្រើនរបស់ លោកស្រី ក្នុងតួនាទីជា ប្រធានប្រតិភូសហព័ន្ធអន្តរជាតិកាកបាទក្រហម អឌ្ឍចន្ទក្រហម ប្រចាំភូមិភាគអាសុី អាគ្នេហ៍ ៕

ដោយ៖ សុខ​ ខេមរា