ភ្នំពេញ៖ កាលពីថ្ងៃទី១៦ខែកុម្ភៈឆ្នាំ២០១៦ នៅវេលាម៉ោងប្រហែល ១២និង១០នាទីយប់ នៅចំណុចផ្លូវក្រោមដីស្ពានអាកាស5មករា សង្កាត់ទឹកផ្សារដេប៉ូ3 ខណ្ឌទួលគោក មានករណីចោរប្លន់យកម៉ូតពីនិស្សិតPPIUផ្លូវក្រោមដីស្ពានអាកាស5មករាយប់មិញអស់១គ្រឿង បង្កឡើងដោយជនសង្ស័យមានគ្នា៣នាក់ ជិះម៉ូតូ១គ្រឿង ពណ៌ក្រហម(មិនចាំស្លាកលេខ) ប្រដាប់ដោយអាវុធខ្លី១ដើមមិនស្គាល់ម៉ាក បានធ្វើសកម្មភាពកៀរម៉ូតូ នឹងភ្ជង់យកម៉ូតូពីជនរងគ្រោះ។

សមត្ថកិច្ចបានអោយដឹងថាៈ ជនរងគ្រោះមានឈ្មោះ 1-ឈ្មោះ ហេង ស្រីស្រស់ ភេទស្រី អាយុ21ឆ្នាំ មុខរបរនិស្សិតPPIU ស្នាក់នៅ សង្កាត់ផ្សារ ដេប៉ូ2, ខណ្ឌទួលគោក (ម្ចាស់ម៉ូតូ)។ 2-ឈ្មោះ ក្រូច ដារាធីតា ភេទស្រី អាយុ25ឆ្នាំ មុខរបរនិស្សិតPPIU ស្នាក់នៅ ផ្ទះ50,ផ្លូវលេខ 111 សង្កាត់អូរឬស្សីទី1 ខណ្ឌ7មករា។ សម្ភារៈបាត់បង់ ម៉ូតូ01គ្រឿងម៉ាកស្កុបពី ពណ៌ក្រហមលាយស ស្លាកលេខ7989 មិនចាំ អក្សរ។

មុនពេលកើតហេតុម៉ោងប្រហែល23:30នាទីជនរងគ្រោះ និងមិត្តភក្តិជិះម៉ូតូ 01គ្រឿងចេញពីម្តុំផ្សារអូរឫស្សី ទៅដើរលេងនៅមាត់ទន្លេមួយជុំ ហើយជិះទៅហូបអីនៅម្តុំ រង្វង់មូលទួលគោក ពេលជិះដល់រង្វង់មូលទួលគោក ក៏មានរឿងប្រកែកគ្នាបន្តិច ហើយក៏នាំ គ្នាជិះត្រលប់ទៅផ្ទះវិញ។ ពេលជិះម៉ូតូមកដល់ផ្លូវក្រោមដីស្ពានអាកាស5មករា ក៏ស្រាប់តែ មានម៉ូតូ01 ម៉ាកស្មាស ពណ៌ក្រហម មិនចាំស្លាកលេខ ជិះគ្នា03នាក់ជិះមកកៀរ នឹងដកកាំភ្លើ ងខ្លីភ្ជង់យកម៉ូតូពីជនរងគ្រោះ ហើយជិះម៉ូតូគេចខ្លួនបាត់៕

ដោយ៖ សុខ ខេមរា