ខេត្ដសៀមរាប៖ អង្គការមូលនិធិមួយ ធ្វើការជួយកុមារក្រីក្រ លើវិស័យអប់រំឈ្មោះ លីពញារី អំពាវនាវដល់រដ្ឋាភិបាល សម្បុរសជនក្នុងនិងក្រៅប្រទេស ឲ្យជួយឧបត្ថម្ភគាំទ្រដល់កុមារក្រីក្រនៅតាមទីជនបទ ដើម្បីជួយដល់ពួកគាត់ដែលកំពុងមានជីវភាពខ្វះខាត ខណៈអង្គការនេះបានចំណាយថវិកាជាង២លានដុល្លារជួយកុមារទុរគតបានជិត៣០០០នាក់រយៈពេល១០ឆ្នាំ។
ការអំពាវនារកជំនួយជួយដល់កុមារក្រី្រក្រនេះ ធ្វើឡើងនៅក្នុងពិធិគម្រប់ខួប១០ឆ្នាំក្នុងការជួយក្មេងក្រីក្រតាមទីជនបទរបស់ខ្លួន កាលពីពេលថ្មីៗនេះ ស្ថិតនៅផ្ទះសំណាក់មួយក្នុងភូមិទ្រាំង ក្នុងសង្កាត់ស្លក្រាម ក្រុងសៀមរាប ដែលមានអាជ្ញាធរខេត្ដចូលរួមផងដែរ។
ប្រធានអង្គការមូលនិធិអ្នកស្រី លី ពញារី បានឲ្យដឹងថា រយៈពេល១០ឆ្នាំនេះ អង្គការមូលនិធិបានជួយកុមារក្រីក្រតាមទីជនបទនិងទីក្រុងរហូតដល់ធំបានចំនួន២៨០០នាក់ ដែលកុមារក្រីក្រទាំងនោះមួយចំនួនបានដល់ថ្នាក់សាកលវិទ្យាល័យនិងខ្លះទៀត ជាប់ជាវេជ្ជបណ្ឌិត។ លោកស្រីបានបន្ដថា ការការជួយកុមារក្រីក្រផ្នែកវិស័យអប់រំ នៅតាមជីជនបទនិងទីក្រុង រួមមានខេត្ដសៀមរាប និងខេត្ដព្រះវិហារជាដើមដែលមកដល់ពេលនេះមអង្គការនេះបានចំណាយថវិកាឧបត្ថម្ភ ជាង២លានដុល្លាសហរដ្ឋអាមេរិកក្នុងរយៈពេល១០ឆ្នាំ។ លោកស្រីបានបន្ដថា រាល់ពេលជួយកុមារនេះ ត្រូវបានសាកសួរពីចំណង់ចំណូលចិត្ដរបស់ពួកគាត់ថាតើចង់រៀនពិពីគំនិតចង់ធ្វើការងារហើយការជួយឧបត្ថម្ភនេះ នៅតាមភូមិឃុំផ្ទាល់ ដូចជាការផ្ដល់សំភារៈសិក្សា អាហារពេលព្រឹក និងចេញថ្លៃថ្នាំពេទ្យជាដើម។
លោកស្រីបានបន្ថែមទៀត នៅឆ្នាំ២០១៦នេះ អង្គការមូលនិធិ លីពញារី និងត្រូវបានចំណាយថវិកាជាង៤០ម៉ឺនដុល្លា ព្រោះតែសិស្សានុសិស្ស កំពុងសិក្សានៅមហាវិទ្យាល័យច្រើន ដូច្នេះលោកស្រីអំពាវនាវ ដល់រដ្ឋាភិបាលសប្បុរសជនក្រៅនិងក្រុងប្រទេសសហការទាំងស្មារតីគំនិតយោបល់ ជួយដល់កុមារក្រីក្រដើម្បីឲ្យវិស័យអប់រំបានរីកចំរើនទៅថ្ងៃមុខ។
គួរបញ្ជាក់ថា លោកស្រីលីពញារី ជាប់ជា CNN Hero នៅឆ្នាំ២០១០ ទើបលោកស្រីមានសមត្ថភាពស្វែងរកថវិកាជួយដល់កុមារក្រីក្រកម្ពុជា តាមរយៈការផ្សព្វផ្សាយតាមវិស័យទេសចរណ៍ផងដែរ៕
ដោយ៖ ជានិរន្ដរ៍