ភ្នំពេញ៖ សិស្សគុនលោកអេ ភូថង អតីតកំពូលអ្នកប្រដាល់ដ៏ល្បីក្នុងប្រទេស កម្ពុជា ប៉ុន្ដែលោកបានបោះបង់អាជីព ប្រដាល់ដោយសារតែគ្មានគូប្រកួត និង វ័យកាន់តែចាស់ហើយជំនួសមកវិញ ធ្វើជាគ្រូបង្វឹកចៅក្រមអាជ្ញាកណ្ដាល និងពិធីករអត្ថាធិប្បាយកម្មវិធីប្រដាល់ នៅទូរទស្សន៍ប៉ុស្ដិ៍លេខ៥និងបានស្នាក់ នៅជាបណ្ដោះអាសន្នក្នុងកីឡដ្ឋានកង យោធពលខេមភូមិន្ទដោយមានការអនុ គ្រោះពីលោកឧត្ដមសេនីយ៍ឯក តែម ម៉ឺន ប្រធានមជ្ឈមណ្ឌលនិងជាប្រធានសហ ព័ន្ធកីឡាប្រដាល់កម្ពុជា ។
លោក អេ ភូថង គ្រូបង្វឹកក្លិបអេភូ ថងកីឡាដែលមានសិស្សគុនជាង១០ នាក់ និងក្រុមគ្រួសាររបស់លោកផ្សេង ទៀតត្រូវបានប្រធានមជ្ឈមណ្ឌលឱ្យរើ ចេញពីបរិវេណកីឡដ្ឋានកងយោធពល ខេមរភូមិន្ទក្រោមគម្រោងរៀបចំរបៀបរៀបរយរក្សាភាពស្ងប់ស្ងាត់ ពីព្រោះទី តាំងមជ្ឈមណ្ឌលស្ដាតចាស់នេះគឺជាក ន្លែងកងទ័ព ។
លោក អេ ភូថង បានរើអីវ៉ាន់ចេញ ពីស្ដាតចាស់កាលពីព្រឹកថ្ងៃទី៧ ខែកុម្ភៈ ឆ្នាំ២០១៦ហើយបានទៅជួលផ្ទះស្នាក់នៅបណ្ដោះអាសន្ននៅម្ដុំផ្សារចាស់ ។ សិស្ស គុនលោកវិញគេឃើញកំពុងហ្វឹកហាត់ នៅក្នុងពហុកីឡដ្ឋានជាតិអូឡាំពិកទីលាន សម្រាប់ហាត់ប្រាណសាធារណៈផ្នែកខាងជើងជម្រាលជណ្ដើរទីលានបាល់ទាត់ ។
លោក វ៉ែន សុផល គ្រូបង្វឹកក្រុម កីឡាករប្រដាល់ជម្រើសជាតិបានប្រាប់ឱ្យដឹងថា ដោយសារមើលឃើញការ ហ្វឹកហាត់របស់កីឡាករកីឡាការិនីដែលជាកូនសិស្សលោកអេភូថងនាំគ្នាហ្វឹក ហាត់នៅខាងក្រៅពិបាកភ្នែកមើលពេកលោកក៏អនុញ្ញាតឱ្យពួកគេចូលមកហ្វឹកក្នុងក្លិបជម្រើសជាតិបណ្ដោះអាសន្ន សិនគឺក្រៅពីម៉ោងហ្វឹកហាត់របស់ក្រុមកីឡាករកីឡាការិនីជម្រើសជាតិ ។
លោក អេ ភូថង កំពុងហ្វឹកហាត់ សិស្សគុនរបស់លោកដោយយកចិត្ដទុកដាក់បានឱ្យដឹងថា សិស្សរបស់លោក ទើបបានហ្វឹកហាត់នៅទីនេះចំនួន២ថ្ងៃ ប៉ុណ្ណោះព្រោះគ្មានកន្លែងឱ្យពួកគេហាត់ (សិស្ស) ដោយសារទើបរើចេញពី កន្លែងចាស់ ដូច្នេះបច្ចុប្បន្នគ្មានកន្លែង ពិតប្រាកដច្បាស់លាស់នោះទេ ៕
ដោយ៖ សារីម
