ខេត្ដព្រះសីហនុ៖ ជនបរទេសម្នាក់ ត្រូវបានអ្នកបម្រើការងារនិងជាអ្នកមើលការខុសផ្ទះជួលមួយកន្លែង ស្ថិតក្នុងក្រុមទី ១៤ភូមិ៥ សង្កាត់លេខ៤ ក្រុងព្រះសីហនុ បានប្រទះឃើញស្លាប់ក្នុងសួនច្បារ កាល ពីវេលាម៉ោង៧ព្រឹក ថ្ងៃទី១៨ ខែកុម្ភៈ ឆ្នាំ២០១៦ បង្កការភ្ញាក់ផ្អើលដល់មិត្ដ ភក្ដិ និងសមត្ថកិច្ចមូលដ្ឋាន។
តាមប្រភពពីមេការមើលការខុស ត្រូវផ្ទះជួលឈ្មោះ ផេង បានរៀបរាប់ថា នៅវេលាម៉ោង៧ព្រឹកថ្ងៃកើតហេតុពេល ដែលរូបគាត់ដើរត្រួតពិនិត្យតាមផ្ទះជួលក៏បានប្រទះឃើញជនបរទេសម្នាក់នេះ ស្លាប់ផ្ងាប់មុខ ក្នុងសួនច្បារហើយគាត់ក៏ បានស្រែកហៅអ្នកជួលផ្ទះដែលជាជន បរទេសដូចគ្នានិងត្រូវជាមិត្ដភក្ដិជនរង គ្រោះឱ្យមកជួយ ប៉ុន្ដែមិត្ដជនរងគ្រោះមិន ជឿគាត់ទេ ក្រោយមកទើបចុះមកមើល ទើបដឹងថា មិត្ដភក្ដិរបស់ខ្លួនបានស្លាប់ ពិតមែន។ ជនបរទេសដែលស្លាប់នេះ ឈ្មោះ BONO Jerome Steve ភេទប្រុស អាយុ៤១ឆ្នាំ ជនជាតិបារាំង កាន់លិខិតឆ្លង ដែនលេខ១២DA-៣៦១៨២ បច្ចុប្បន្ន ស្នាក់នៅបឹងកាឡូអូរត្រេះ ស្ថិតក្នុងភូមិ៦ សង្កាត់លេខ៤ ក្រុង-ខេត្ដព្រះសីហនុ។ នៅយប់កើតហេតុ ជនរងគ្រោះបានមក លេងផ្ទះមិត្ដភក្ដិដែលមាន ទីតាំងកើត ហេតុ ស្ថិតក្នុងក្រុមទី១៤ ភូមិ៥ សង្កាត់ លេខ៤ ក្រុងព្រះសីហនុ។
តាមការបញ្ជាក់ពីមិត្រជនរងគ្រោះឱ្យដឹងថា នៅយប់កើតហេតុ ជនរងគ្រោះ បានមកលេងផ្ទះរបស់ខ្លួនហើយបានអង្គុយ ផឹកស្រារហូតដល់ម៉ោងជាង១រំលងអធ្រាត្រទើបឈប់ ហើយខ្លួនបានហៅជនរងគ្រោះ ចូលសម្រាកក្នុងផ្ទះ ប៉ុន្ដែជនរងគ្រោះពុំ ព្រមឡើងទៅសម្រាកឡើយ គឺនៅអង្គុយ មុខផ្ទះម្នាក់ឯងរហូតព្រឹកឡើង ទើបដឹង ថាមិត្រភក្ដិរបស់គាតបានស្លាប់ ។
តាមសមត្ថកិច្ចមូលដ្ឋានបានសន្និដ្ឋាន ជំហានដំបូងថា ជនរងគ្រោះអាចស្លាប់ ដោយសារគាំងបេះដូងឬក៏ខ្យល់គរដោយសារផឹកស្រាហើយមិនសម្រាកនិងនៅជុំ វិញកន្លែងកើតហេតុពុំមានអ្វីដែលសន្និដ្ឋានទៅជាករណីឃាតកម្មនោះឡើយ ៕
ដោយ៖ឆ្លាមសមុទ្រ
