ខេត្ដព្រះសីហនុ៖ កម្លាំងនគរបាល ការិយាល័យអន្ដោប្រវេសន៍នៃស្នងការ ដ្ឋាននគរបាលខេត្ដព្រះសីហនុបានឃាត់ខ្លួនជនបរទេសម្នាក់បញ្ជូនទៅនាយកដ្ឋាន អន្ដោប្រវេសន៍នៃក្រសួងមហាផ្ទៃដើម្បីចាត់ការបន្ដ ។
ករណីឃាត់ខ្លួនជនបរទេសខាងលើ នេះសមត្ថកិច្ចធ្វើឡើងកាលពីល្ងាចថ្ងៃទី ១៧ ខែកុម្ភៈ ឆ្នាំ២០១៦ នៅក្នុងក្រុមទី២ ភូមិ២ សង្កាត់លេខ៤ ក្រុង-ខេត្ដព្រះ សីហនុ ។
នគរបាលការិយាល័យអន្ដោប្រវេសន៍ នៃស្នងការដ្ឋានខេត្ដឱ្យដឹងថា ជនបរទេស ដែលសមត្ថកិច្ចឃាត់ខ្លួនមានឈ្មោះ KARAEYAN VAHAN ភេទប្រុស អាយុ៥១ឆ្នាំ សញ្ជាតិARAMENIA ជាអ្នកទេសចរ ។ មន្ដ្រីខាងលើឱ្យដឹង ទៀតថា ជនបរទេសរូបនេះកាន់លិខិត ឆ្លងដែនលេខ B.A0518317 មាន សុពលភាពត្រឹមថ្ងៃទី៣០ ខែមិថុនា ឆ្នាំ ២០២៤ និងទិដ្ឋាការលេខ TI 09328949 មានសុពលភាពត្រឹមថ្ងៃទី២៤ ខែឧសភា ឆ្នាំ២០១៥ ប៉ុណ្ណោះ ។ ដូច្នេះតាមការ ពិនិត្យជាក់ស្ដែងខាងលើនេះពិតជាហួស សុពលភាពតាំងពីថ្ងៃទី២៤ ខែឧសភា ឆ្នាំ ២០១៥ ។
មន្ដ្រីដដែលបញ្ជាក់ថា ដើម្បីធានា បានការគោរពច្បាប់ចំពោះជនបរទេស មកស្នាក់នៅឬមកធ្វើទេសចរណ៍នៅលើ ទឹកដីប្រទេសកម្ពុជាឱ្យស្របទៅនឹងច្បាប់ របស់ប្រទេស សមត្ថកិច្ចបានសម្រេច ឃាត់ខ្លួនជនបរទេសម្នាក់ខាងលើនេះ បញ្ជូនទៅអគ្គនាយកដ្ឋានអន្ដោប្រវេសន៍ ដើម្បីបន្ដនីតិវិធី ៕
ដោយ៖ ឆ្លាមសមុទ្រ
