ខេត្តត្បូងឃ្មំុ៖ សត្វមាន់៣ក្បាលនិងម៉ូតូ៥គ្រឿងត្រូវបានសម្មត្ថកិច្ចនគរបាលស្រុកមេមត់ រឹបអុសរីឯមនុស្សរត់អស់បាត់ស្រមោល ក្នុងប្រតិបត្តការបង្រ្កាបអ្នកញៀននិងល្បែងបញ្ជល់លួចលាក់ក្នុងព្រៃចំការកៅស៊ូមួយកន្លែង។

ករណីសម្មត្ថកិច្ចបង្រ្កាបអ្នកលេងល្បែងបញ្ជល់ខាងលើធ្វើឡើងកាលពីវេលាម៉ោង១២និង០០នាទី ថ្ងៃទី១៨ ខែកុម្ភះ ឆ្នាំ២០១៦ នៅចំណុចព្រៃកៅស៊ូខាងត្បូងភូមិល្វាលើ ឃុំទន្លូង ស្រុកមេមត់ ខេត្តត្បូងឃ្មំុ។

ប្រភពពីមន្ត្រីនគរបាលស្រុកមេមត់បានឲ្យដឹងថា សម្មត្ថកិច្ចបង្ក្រាបចាប់បានមាន់ជល់៣ ម៉ូតូ១៥គ្រឿងរីឯ មុខសញ្ញាបានរត់គេចខ្លួនអស់បច្ចុប្បន្នវត្ថុតាងត្រូវបានយកមករក្សាទុកនៅប៉ុស្តិ៍រដ្ឋបាលដើម្បីដោះស្រាយតាមនិតិវិធី៕

ដោយ៖ វណ្ណះ