រថយន្តធុនធំដឹកវ៉ាក់សាំងបានចាប់ផ្តើមវិលគង់ហើយ ដោយនាំវ៉ាក់សាំង ជាច្រើនទៅកាន់បណ្តារដ្ឋនានានៅអាមេរិក ដើម្បីបញ្ចប់ការឆ្លងរាលដាលកូវីដ១៩ នាំមកជីវភាពរស់នៅល្អប្រសើរឡើងវិញ។
វ៉ាក់សាំង ដំបូងផលិតដោយក្រុមហ៊ុន Pfizer/BioNTech នៅរដ្ឋMichigan ត្រូវបានដឹកទៅបណ្តារដ្ឋ ដើម្បីទប់ស្កាត់ ជំងឺដ៏កាចសហាវ សម្លាប់ពលរដ្ឋអាមេរិកប្រមាណ២៤០០នាក់ ក្នុងមួយថ្ងៃៗ
តាមគម្រោងវ៉ាក់សាំង៣លានដូស សម្រាប់ក្រុមគ្រូពេទ្យ បុគ្គលិកពេទ្យនៅជួរមុខ។ វ៉ាក់សាំង ត្រូវបាន រក្សានៅក្នុងប្រអប់ដែលមានទឹកកកស្ងួត ត្រជាក់ក្រោម សូន្យ អង្សាសេ។ ក្នុងមនុស្សម្នាក់គឺត្រូវចាក់ពីរម្ជុល ដែលមានគម្លាតពីគ្នាជាង ២០ថ្ងៃ។
មន្ត្រីគ្រប់គ្រងការចែកចាយវ៉ាក់សាំងបានឲ្យដឹងថា នៅថ្ងៃទី ១៤ខែធ្នូ វ៉ាក់សាំង នឹងចែកចាយ ទៅកាន់គោលដៅ១៤៥កន្លែង ហើយនៅថ្ងៃទី១៥ នឹងន្តចែកចាយ៤២៥កន្លែងទៀត។ នៅថ្ងៃទី១៦ខែធ្នូ នឹងបន្តចែកចាយ៦៦កន្លែងចុងក្រោយ។ ការចែកចាយវ៉ាក់សាំងគឺពឹងផ្អែកទៅលើ ចំនួនពលរដ្ឋនៅក្នុងរដ្ឋនីមួយៗ។
វេជ្ជបណ្ឌិតMoncef Slaoui ទីប្រឹក្សា យុទ្ធនាការបន្ទាន់(Warp Speed) បានឲ្យឹងថា នឹងមានពលរដ្ឋ១០០លាននាក់ ស្មើរ៣០ ភាគរយនៃពលរដ្ឋទូទាំងប្រទេស ទទួលបានវ៉ាក់សាំង កូវីដ១៩ គិតដល់ខែមីនាឆ្នាំ២០២១ ។ ចំណែកដំណាក់កាលដំបូងឆ្នាំ២០២០ និងមានពលរដ្ឋ៤០លាននាក់ទទួលបានវ៉ាក់សាំង៕
រូបថត៖Reuters
