ខេត្តព្រះសីហនុៈ បើពុំមានការផ្លាស់ប្ដូរទេនោះ ដំណើរទស្សនកិច្ចរបស់កងនាវា កងទ័ពប្រជាជនចិន និងមកដល់កំពង់ផែ​ខេត្តព្រះសីហនុ នាវេលាម៉ោង១០ព្រឹកថ្ងៃទី២២ ខែកុម្ភៈ ឆ្នាំ២០១៦ ក្រោមបដិសំណ្ឋារកិច្ចដោយនាយនាវីកងទ័ពជើងទឹកកម្ពុជា​ផងដែរ។

ដំណើរទស្សនកិច្ចរបស់កងនាវា កងទ័ពប្រជាជនចិនគឺចាប់ពីថ្ងៃទី២២ដល់ថ្ងៃទី២៦ ខែកុម្ភៈ ឆ្នាំ២០១៦ ក្នុងនោះ ពិធីទទួល​បដិសណ្ឋារកិច្ចដំបូង និងធ្វើពិធីជប់លៀងលើនាវានៅល្ងាចនេះផងដែរ។ ក្រោយមកតំណាងប្រតិភូប្រជាជនចិននិងចូលជួប​សម្ដែងការគួរសមជាមួយអភិបាលខេត្តព្រះសីហនុនិងលោកឧត្តមសេនីយ៍នាវីឯក អ៊ុក សីហា មេបញ្ជាការរងកងទ័ពជើងទឹក​និងជាមេបញ្ជាការមូលដ្ឋានសមុទ្ររាបនៅព្រឹកថ្ងៃទី២៣ ខែកុម្ភៈ ឆ្នាំ២០១៦ ជាមួយនិងការប្ដូរនូវវត្ថុអានុស្សាវរីយ៍ទៅវិញទៅ​មក៕

ដោយ៖ សុខ ខេមរា